رد فعل عنيف من حسني شتا بعد انتقاد رانيا محمود ياسين تشبيهه بوالدها
رد الممثل الصاعد حسني شتا، على الفنانة رانيا محمود ياسين بعد انتقاده بشأن التشابه ببينه وبين والدها.
وكتب حسني شتا عبر حسابه الخاص على موقع التواصل الاجتماعي "فيس بوك": "مش عارف فعلا هي بتحذرني ليه ومن ايه!! ولو على التحذير يبقي توجهيه للجمهور اللي قال كده مش أنا".
وأضاف: "ثانيًا احترامي وتبجيلي للفنان الكبير محمود ياسين بتاريخه الفني الكبير مفيش أي مقارنه لأن الأساتذة الكبار أمثال محمود عبد العزيز وأحمد زكي وعادل إمام ونور الشريف وغيرهم من نجومنا الكبار، لا يمكن إن في ممثل أيًا كانت موهبته أنه يقارن نفسه بيهم لإنهم صنعوا تاريخهم الفني بالفعل".
وواصل: "ثالثًا أنا مبقلدش حد اللي شاف دوري في أيوب أو الأب الروحي أو أبو جبل أو طلقة حظ أو فيلم اشتباك أو طلق صناعي أو غيرها من الأعمال هيلاحظ إني بحاول أن كل شخصية تكون مختلفة عن التانية في الملامح الداخلية والإطار النفسي والشكل والإطار المادي من ملابس وطبقة صوت وغيره ..في أيوب زي مابيقولوا كنت شبح وفي الأب الروحي هادي وانفعالاته داخلية".
اقرأ أيضًا: بعد محاولة قتله.. مانشستر سيتي يدافع عن محمد رمضان والأخير يرد
وتابع: "مش أنا اللي يقول كده ديه الناس اللي بتقيم وتحب وهفضل أجرب في كل شخصية بعملها لآخر عمري لأن ديه متعة التمثيل إني أحاول أخلق شخصيه من لحم ودم وكل مرة تكون مختلفة والتوفيق بالنجاح من عند ربنا ولو لما تصيب فعملت اللي عليا إني مش بستسهل وأعمل كل الحاجات شبه بعضها".
واستكمل: "فصادف إن الدور في مسلسل ليالينا في حقبة زمنية قديمة واللبس وغيرها من تفاصيل العصر تتماشي مع طبيعة وشكل أستاذنا محمود يس .وفيه شبه في الملامح خصوصا مع تسريحة الشعر والسوالف واللبس طب ايه المشكلة بقي مش فاهم يااستاذة رانيا ولكي مني كل التقدير".
وكانت الفنانة رانيا محمود ياسين، انتقدت حسني شتا والفنان أحمد حسنين بسبب تشبيه الجمهور لهم بنجوم كبار.
اقرأ أيضًا: بعد تصدره تريند جوجل.. من هو الفنان الصاعد أحمد حسنين شبيه عمر الشريف (صور)
حيث كتبت عبر حسابها الخاص على موقع فيس بوك: "عايزه أقول حاجة للممثلين اللي اسمه أحمد حسنين طلع النهاردة في البرنس، بيقولوا شبه عمر الشريف، والممثل حسني شتا بيقولوا شبه محمود ياسين طلع في مسلسل ليالينا، ونبي بطلوا تقولوا عليهم كده متخليهمش يعتمدوا على كده".
وأضافت: "سيبهم يكونوا نفسهم لأن حكاية الشبه دي بتجيب نتيجة عكسية على فكرة حتى مع أبناء الفنانين اللي هما مضطرين يبقوا شبه أبائهم بحكم الجينات سبيهم يبقوا نفسهم".
