”بنتي لسة قالعة البامبرز”.. عمرو السولية يقدم بلاغ ضد متابع تحرش بطفلته

رد عمرو السولية لاعب الفريق الأول لكرة القدم بالنادي الأهلي، على هجوم عدد من متابعيه، بسبب ملابس ابنته ليلى، التي وصفها البعض بأنها غير محترمة.

ويحرص عمرو السولية على مشاركة متابعيه على مواقع التواصل الاجتماعي، صوره مع ابنته ليلى صاحبة الثلاث أعوام، لكنه تعرض للهجوم بعد أخر صور جمعتهما.

وكتب أحد المتابعين تعليقًا على الصور: "ربنا يخليهالك وتفرح بيها، بس ياريت تلبس بنك ملابس محترمة،  انت شخص محترم فلازم تربي بنتك تربية محترمة علشان ما تخسرهاش في الأخر".

ورد لاعب وسط الأهلي عبر حسابه الرسمي على موقع التدوينات القصيرة "تويتر": "ليلى بنتي عندها 3 سنين و نص، لسة قالعة البامبرز من كام شهر، الكلام ده بيتقال على طفلة".

وتابع: "ايه اللي يخلى بني آدم خنزير ممكن يبص على لبس طفلة ويركز غير أنه فعلاً خنزير ايه المرض ده".

وأضاف السولية: "دول اللي لما بيكبروا بيكونوا متحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللي بيبرروا للتحرش و لبس البنت يكونوا مبسوطين دلوقتى وهما شايفين اللي بيحصل".

 

عمرو السولية يتقدم ببلاغ ضد المتحرشين

وكشف: "قررت اتقدم ببلاغات لأصحاب الكومنتات دى عشان اللي زي دول مينفعش يكبروا وسطنا، قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف و الاشمئزاز ده ".

وأوضح: "الناس اللي زعلت من كلمة (شيوخ) مش مقصود بيها الشيوخ المحترمين و الشيوخ السوية، الكلام عن الناس اللي بررت التحرش بانه بسبب لبس البنت و مفاتنها".

واختتم عمرو السولية: "ممكن أعرف إيه المفاتن في طفلة مكملتش 4 سنين و لبسها ممكن يكون سبب في اللي انتوا شايفينه ده ؟".