”عدينا البراميل”.. رد ناري من ريهام حجاج على تعليقات المصريين حول أزمة ويل سميث
أعربت الفنانة ريهام حجاج، عن استيائها الشديد من حالة التنمر والسخرية من قبل بعض رواد مواقع التواصل الاجتماعي، خلال الساعات الماضية على خلفية أزمة ويل سميث بعد خيانة زوجته جادا له.
وكتبت ريهام حجاج، عبر حسابها الخاص بموقع التواصل الاجتماعي فيس بوك: "احنا الشعب الوحيد في العالم اللي دخل على صور will smith وشتمه أقذر الشتايم هو ومراته وعيلته".
وتابعت: "بغض النظر عن إيه اللي اتكتب، احنا الشعب الوحيد اللي دخل يكتب تعليقات في العموم مافيش بجد أي شعب تاني لا صيني ولا هندي ولا حتى في الشعوب العربية".
وأضافت: "دا إن دل على شيء فيدل على الآتي: مش الكل طبعا عشان في ناس محترمة بس أغلبية اللي بيستخدم السوشيال ميديا للأسف.. أولا إننا أكتر ناس شتامين ونمامين ومتنمرين، مع إننا مفروض متدينين معرفش إزاي.
وواصلت: "خلصنا أمراضنا النفسية والحشرية على نفسنا وكشفنا قرف بعض فقلنا نكشف نفسنا للعالم بقا، احنا الشعب الوحيد اللي تفاني في سوء استخدام السوشيال ميديا والحمد لله ده كان الإنجاز الوحيد اللي حققناه منها".
اقرأ أيضًا: كشف عن إصابته بالسرطان بعد اتهامه بالإدمان.. مشوار هيثم شاكر وأشهر أغانيه (فيديو)
واستكملت: "هو مش مفروض نحشر نفسنا ونحكم على حياة حد في العموم.. فمنتهي الفجر والقدر الحكم علي حياة حد لا هو من بلدك ولا ثقافتك ولا تفكيرك ولا تربيتك".
واختتمت ريهام كاتبة: "يعني مش بس مش قادرين نحترم اختلاف بعض لاء مش عارفين نحترم اختلاف الثقافات الأخرى احنا عدينا البراميل بلا راجعة".
