جمال يوسف يروي تفاصيل مؤلمة عن مرضه: لساني وجسمي اتحرقوا من الإشعاع والكيماوي (فيديو)

قال الفنان جمال يوسف، إن الحب والدعم والدعاء الذي وجده من الناس بعد الكشف عن إصابته بسرطان البلعوم أثر كثيرًا على حالته الصحية، مضيفا:"حب الناس فرق معايا أنا مكنتش بعرف أتكلم كان لساني تقيل صحيت الفجر لقيت بنتي يتقولي أنت مكسر الدنيا على الفيسبوك".

وأضاف خلال أول لقاء له بعد إصابته مع الإعلامية لميس سلامة في برنامج "صباح البلد" المذاع على شاشة "صدى البلد"،: "حدثت ضجة كبيرة بعد منشور صديقي المخرج تامر حمزة، أنا كنت تعبت أنا بقالي ست شهور قافل على نفسي، وبعد ما شفت حب الناس وأنا عايش بقيت مبسوط وتأثرت جدا والله".

تابع: "مكنتش عارف أتكلم بعد مكالمات كتير من الناس ومن نجوم الفن، لقيت نفسي بقيت بتكلم وعاوزة أشرب لأني مكنتش بشرب ولا باكل كنت يئست، المرض ده مؤلم الدكتور قال لي 11 % بس بيستحمولوه".

واصل: " كنت محروق من الإشعاع وجلسات كيماوي ومكتنتش بنام بالأيام، والدكتور قال لي نوقف شوية علشان مش هنستحمل قولته أنا مش هكمل علاج أنا هسيبه لقضى ربنا".

اقرأ أيضًا: كيف كان تأثير مكالمة محمد صبحي على الحالة الصحية للفنان جمال يوسف؟ (فيديو)

واستطرد: "كنت قافل على نفسي وقاعد في أوضتي ترجيع عالطول ومش عارف أبلع قلت مش هتعالج وهسيب قضايا لربنا لقيت ابني داخل عليا وبيبكي وقالي أرجوك أنا عاوزك تقوم أنا اتكسرت من غيرك قولتله هكمل، ولساني اتحرق ورقبتي من الاشعاع والجلسات، ومكنتش بعرف اتكلم مراتي جابتلي جرس جمبي".