تامر أمين يسخر من فشل دعوات 20 سبتمبر.. ويتحدث عن «إخوان الذرة» (فيديو)

سخر الإعلامي تامر أمين على فشل الدعوات التحريضية التي استهدفت إحداث فوضى في البلاد وضرب الاستقرار.

وقال أمين خلال برنامجه "آخر النهار" على شاشة "النهار"، مساء الاثنين، مخاطبًا مشاهديه: "وحشتوني من الخميس اللي فات، والناس كمان وحشتنا إمبارح.. حد حس بحاجة، طاب حد شاف حاجة، طاب حد توقع حاجة".

وأضاف: "في 20 سبتمبر اللي صدعونا بيه كان يوم عادي جدًا من أيام ربنا، زيه زي غيره.. هي الناس توقعت حاجة تحصل الناس دي عايشة معانا وبتشوف زينا ولا بره.. لو إنت معانا لازم تبقى معانا".

وتابع: "هذه دعوات عبيطة.. عمري ما شوفت حد يعمل دعوة هو أول واحد عارف إنها هتفشل.. عارف إنها فس وصداع على الفاضي لكن مفيش تأثير".

واستطرد: "ممكن يكون فيه عناصر إخوانية بيننا لكنها مستخبية وصامتة ولابدة في الذرة ومتقدرش تتكلم لإنها لو اتكلمت الشعب هياكلها مش الجيش ولا الشرطة.. الشعب مسح بأستيكة فكرة قبول الإخوان في مصر لا على مستوى التنظيم ولا على مستوى الأفراد".