بعد إثارتها للجدل بسبب المايوه.. عارفة عبد الرسول بإطلالة جديدة عالبحر ورد ناري (صور)
نشرت الفنانة عارفة عبد الرسول، صورة جديدة لها بعد إثارتها للجدل بسبب ظهورها بالمايوه خلال قضاء عطلتها الصيفية، ما عرضها للهجوم والنقد الحاد.
وظهرت عارفة عبد الرسول في الصورة التي نشرتها قبل ساعات قليلة من أمام البحر ولكن ظهرت فيها بإطلالة محتشمة وذلك عبر حسابها الخاص بموقع التواصل الاجتماعي "فيسبوك"، وصحبتها بتعليق: "ويخلق ما لا تعلمون".
عارفة عبد الرسول ترد على الهجوم عليها
وقالت عارفة عبد الرسول في تصريح خاص لـ "الطريق" ردًا على الهجوم الذي تعرضت له: "الصورة عادية جدا بالنسبة لي، الناس بتقول بكيني لكن هو مايوه عواجيزي مش قطعة واحدة ولا قطعتين، هو مايوه بشورت وجيب ولا بكيني ولا بوركيني متوسط".
أضافت الفنانة الكبيرة : "باعتباري إسكندرانية طول عمرنا بنلبس مايوه، أبويا كل سنة كان بيجيب لنا مايوه جديد، والناس حرة هي دي طريقتهاولا فكرت أرد عليها هي دي قناعاتهم في الحياة".
تابعت: "واحدة نصحتني أشيل الصورة بس أنا مش النوع ده أنا مقتنعة بيها، ولا عاملة ميكب ولا الصورة أوفر"، مضيفة: "في تعليق كان نفسي أرد عليه واحدة بتقول لي نفسي أعرف هتقابلي ربنا إزاي؟ كنت عاوزة أقولها كلنا هنقابل ربنا عرايا".
اقرأ أيضًا: بعد الهجوم عليها.. عارفة عبد الرسول لـ”الطريق”: ده مايوه عواجيزي وكلنا هنقابل ربنا عرايا
وواصلت عارفة عبد الرسول: "مش حكاية مايوه في الأول وفي الآخر ربنا في روحك مش في اللبس ده بحر، أنا مش ماشية في الشارع، والبحر اتعمله مايوه أكيد مش هلبس جلابية، وإحنا من جيل السبعينات دي طبيعة لبسنا كانت لسة الدنيا جميلة وأنا مصرة أحافظ على الدينا الجميلة دي".
واستطردت: "علميا جسمك المفروض يتعرض للشمس والمياه المالحة واللي بيلبس البوركيني هو حر وله مطلق الحرية لكن الجسم مش بياخد كفايته من البحر والماية المالحة" مختتمة: "لو كل واحد يبص في ورقته الناس هترتاح ربنا دخل عاهرة الجنة علشان سقت كلب الموضوع أكبر من كده محدش يعرف ربنا هيحاسبنا إزاي".
