فاتن الحلو: تعرضت لهجوم من ”أسد” وعضني من دماغي

تحدثت فاتن الحلو، مدربة الأسود الشهيرة، عن الألفة التي تحدث بين مروض الأسود والحيوان المفترس، وفي ذلك الإطار يتم إجراء الكثير من التدريبات اليومية التي تحدث بين المدرب والمروض: "فيه فترة معينة للأسد للذكر والأنثى بتكون فترة تزاوج، لو حد دخل وهو في الحالة دي أكيد هيهاجم الشخص حتى لو بيحبه".

وقالت "الحلو"، إنها تعرضت من قبل في أحد عروض السيرك في "طنطا" لهجوم من قبل أسد: "فجأة لقيت نفسي طايرة زي العروسة، ونزلت على الأرض، وحصلي كسر وعضني في دماغي وكان عايز يجبني من رقبتي، وفضل يعض في شعري معرفش يوصل، والمساعد دخل زعقله وسابني"، وأشارت إلى أنها وبعد ما حصل لها من قبل ذلك الأسد لم تتخلَ عنه حتى الآن، ولكنها توقفت عن رؤيته فترة شهر حتى ينسى ما حدث من قبل.

وأضافت خلال استضافتها برنامج "مساء DMC"، والذي تقدمه الإعلامية إيمان الحصري والمذاع على فضائية "DMC": "إحنا شغالين في نادي الشمس يومين في الأسبوع، ومش جايبه همها، والناس نفسها تحسيها تعبانه، وأنا بقعد الناس بعيد عن بعضها والناس بتتبسط، وعندنا تكاليف كبيرة مبقيناش قادرة ندفعلها الإيجارات أو أكل للحيوانات".

وتابعت: "إحنا محتاجين دعم بالنسبة للأراضي لأننا بنقدم خدمة ثقافية ترفيهية، وأنا باخد الموافقات من وزارة الثقافة، وكنت بشتغل في شغلانه حكومية وقدمت استقاله وأنا سيده أعمال، والنهاردة أيد لوحدها متسقفش، ومحتاجين في كل مكان لازم الدولة تدينا ارض علشان نقدر نشتغل عليها ونقدم عروضنا".