ريهام سعيد: خبر وفاتي هايبقى ذنب في رقبة كل واحد هاجمني
واصلت الإعلامية ريهام سعيد، حديثها عن أزمة حلقتها التي تسببت لها في حزنًا شديدًا، مشيرة إلى أنها إذا توفيت سيكون خبر وفاتها ذنبًا في رقبة من كل هاجمها.
ونشرت ريهام سعيد صورة لنجلها مع قرد، وكتبت: "لقاء الخميسي سابت مهرجان السينما وركزت مع التعلب مع إنها ممكن تكلمني ومش مصدقاها في ولا حرف كتبته لأن كان أول أسبوع أرجع شغلي يعني من باب الرحمة عدم الهجوم حتى لو أنا غلطانة غلط غير مقصود مثلا".
تابعت: "لو انتي اتوقفتي عن التمثيل عشان الناس مجبتش حاجة انتي عملتيها كيانك هايضيع ومستقبلك تفتكري ممكن أشارك في ده؟ الخلاصة أنا مبسوطة إن ربنا بينضف حواليه الرحيم ده هايبقي رحيم علي البني آدمين كمان مش بس الحيوانات ووالله أنا بني ادمه ليها طاقة ومشاعر لو نسيتوا".
استكملت: "مش معني إني بحاول أقف علي رجلي كل مرة عشان ولادي يبقي ما بحسش، أنا ماشية بستر ربنا بس لكن لو أي حد شاف اللي شفته كان زمانه مات من زمان، لأي واحدة أعرفها أو زميلة هاجمتني لتصفية حسابات أو كراهية أو نقص أو أصل واطي أو غيرة أو حقد افتكري إني ممكن أنام مضايقة يوم مصحاش وساعتها وأنتم بتقروا خبر وفاتي هايبقي ذنبي في رقبة كل واحد هاجمني وهو مش على أو حتى على حق".
اقرأ أيضًا: بعد شائعات انفصالهما.. ظهور أحمد سعد وخطيبته بـ”لوك غريب”
واختتمت: "عارفة إن خبر رجوعي كان صعب بس هي المشكلة يا حبيبتي انتي أو غيرك اللي بتهاجموا زملا ليكوا وهما في أزمة لازم تفهموا انكوا برضه مش هاتبقوا حاجة حتى لو أنا اتوقفت، انتي لوح شمع حقود على الأقل أنا لما برجع أو أتوقف الناس بتحس بيه مش زيك ولا الهوا".
