محمد فراج لـ”الطريق” : فخور بـ”الاختيار2”.. و”الممر” صنع نجوميتي
هنأ الفنان محمد فراج أبطال فيلم "السرب"، مؤكدًا أن المشاركة في عمل وطني شيء مهم وضروريًا للفنانين وللصناعة الفنية في مصر، معبرًا عن سعادته بالعمل في فيلم "الممر" الذي عرض عام 2019 وانضمامه للمشاركة في مسلسل الاختيار الجزء الثاني المقرر عرضه في مارثون دراما رمضان 2021.
وأعرب محمد فراج في تصريح خاص لـ"الطريق"، عن سعادته بالمشاركة في مسلسل الاختيار2 قائلًا: "تجربة فخور وسعيد جدا بتواجدي فيها، رغم دوري كضيف شرف، وكنت أتمنى كون دوري أكبر من كده علشان أشارك بشكل فعال أكتر من كده وصورت يوم واحد فقط".
وأضاف: "سعيد بالعمل مع بيتر ميمي هو مخرج هايل، وكان واحشني الشغل مع الفنان كريم عبد العزيز وتقابلت معه خلال التصوير".
وتابع: "الأعمال الوطنية شيء مهم جدا وضروري لأنها بتخدم الصناعة، وإحنا لدينا تاريخ حربي كبير، ماينفعش المخزون الدرامي يكون قليل المفروض نعمل أكتر من كده".
واستكمل: "فيلم "الممر" فرق معايا جدا عملت بصمة لنفسي، لإن الفيلم كسر الدنيا في مصر وبرة مصر، والحمد لله شفنا نجاح ساحق، نسبة الجمهور اللي بتتفرج عليا بقت اكتر وشفت بعيني وسمعت بودني ودي حاجة افتخر بها".
اقرأ أيضًا: كل ما تريد معرفته عن فيلم السرب .. أحمد السقا يجسد بطولات القصاص لشهداء مصر في ليبيا
واستطرد: "كل الناس بتتفرج على الأعمال الوطنية دي والإيرادات كمان عالية أوي الناس متشوقة تعرف عن تاريخها العسكري اللي من الممكن يكونوا مايعرفوش عنه بالإضافة الى إن الأعمال دي معمولة بدقة وحرفية وصدق".
