بتدخل في كل شيء؟.. أحمد السعدني يكشف تسلط ممثلة في لوكيشن مسلسل ”كله بالحب”

أعرب الفنان أحمد صلاح السعدني، عن استيائه مما يحدث معه في مسلسل "كله بالحب" الذي يشارك في بطولته مع الفنانة زينة ومن المقرر عرضه في رمضان 2021.

وكتب أحمد السعدني، عبر حسابه الشخصي بموقع التواصل الاجتماعي فيسبوك، قائلا: "بسم الله الرحمن الرحيم، الحقيقة أنا عمري ما عملت مشكلة في شغلي وعمري ما أختلفت مع زمايلي إنما أنا اللي بيحصل معايا في المسلسل اللي شغال فيه 24 ساعة مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف".

وتابع: "أنا متربي في ستوديوهات كبرنا أنا واللي زيي اللي كان بيتقال عليهم أبناء الفنانين كانها شتيمة علي احترام مهنتنا مواعيدنا ومذاكرتنا وتحضيرنا للشغل أحترامنا للكلمه قبل العقد للأسف شركة الإنتاج ملتزمتش معايا باتفاقهم اللي علي أساسه وافقت أشتغل وكان شرط أساسي لقبولي الشغل معاهم والحقيقة أول مرة أشوف تصميم دعاية عمل فني من أفيشات وبرومو بتعمله زميله في العمل طول عمري كنت فاكرها من اختصاص شركة الإنتاج".

وأضاف: "الحقيقة أنا ضهري في الحيط أكمل وأقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب والا أقعد في بيتنا وأكتفي باللي صورته وأطلب من النقابة تجيبلي حقوقي المادية وفي كل الأحوال أنا بعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزلة".

اقرأ أيضًا: بعد إثارتها للجدل في ”الملك”.. ما لا تعرفه عن ريم مصطفى وعمرها الحقيقي (صور)

وكان المسلسل يحمل في البداية اسم "زي البيت الوقف" لكن تم تغييره مع الكشف عن بوسترات العمل.

ومسلسل "كله بالحب" من بطولة زينة وأحمد السعدني وصابرين وهالة فاخر ومصطفي درويش ومحسن منصور وريم البارودي وسامر المصري، ومن تأليف ورشة أحمد الشخيبي، وإخراج عصام عبد الحميد، وإنتاج شركة سكيرمو ميديا.