احترموا نفسكم.. منة فضالي تهاجم منتقدي دعمها لأبطال ”أحمس” (فيديو)
تعرضت الفنانة منة فضالي، للهجوم مؤخراً، بسبب دعمها للفنان عمرو يوسف، بعدما قررت الشركة المتحدة وقف تصوير مسلسل "الملك" واستبعاده من السباق الرمضاني المقبل، بسبب وجود أخطاء تاريخية به.
وعلقت منة، على انتقاد الجمهورلها، من خلال فيديو نشرته، عبر حسابها الشخصي بموقع تبادل الصور والفيديوهات "إنستجرام".
وقالت الفنانة الشابة خلال الفيديو: "أنا ناجحة برأي الجمهور لما بقول رأي مبطبلش لحد لأني مش مستفيدة حاجة، أنا ضد أننا نحكم على حاجة من غير ما نشوفها، في مسلسل نازل جديد تعرف منين أنه وحش؟، تعرف منين أنه بيناقش موضوع تاريخي؟ ما يمكن بيعمل شخصية تانية أو رواية مثلًا".
وأضافت: "ليه بنغلط وليه مش من حقنا كفنانين أننا نقول رأينا؟، إحنا ممثلين ولينا زمايلنا ومن حقنا نزعل عليهم، وأنا بزعل على جهود الناس زي الديكور أو التصوير وغيره، إحنا بنقعد 26 ساعة نصور، سيبكم من الصور اللي على السوشيال، إحنا بنتبهدل ونتعذب وبيطلع عنينا، مش كلنا مرفهين زي ما أنتم متخيلين".
اقرأ أيضًا:أول تعليق من كندة علوش على وقف مسلسل زوجها
وتابعت منة: "أنا بعمل فيلم جديد بلبس فيه بدلة وأقعد 16 ساعة بيها هل دا مش عذاب؟، هل حد بيشوف دا، لا تفقهوا شيء عن اللي بنمر بيه، إحنا شغلنا يختلف عن الموظف اللي بيشتغل الصبح ويطلع عينه علشان ياخد قرشين، احنا مبناخدش القرشين دول، في ناس ممكن تكون بتقبض كويس بس مش كلنا".
وأشارت إلى أنه يجب احترام الممثل لأنه يقول رأية من وجهة نظره، ولكن من حق الجمهور يعترض ولكن ليس من حقه التعدى وانتقاده بشكل مهين، مضيفة: "مش مضطرين نروح نعمل محضر كل شوية ونحبس الناس".
وأضافت: "ليه بتغلط وتكتب كلام مهين؟ ليه منكونش محترمين في آرائنا؟، ياريت احترمونا بس شوية، أنا مش ضد أني أعمل مسلسل أو فيلم، ويكون جزء من الحقيقة، أو رواية تانية خالص مختلفة، وتكون من وحي الخيال".
وختمت: "من فضلكم نحترم بعض، وأنت قبل ما تغلط احترم نفسك، أنت بتهين نفسك قبل ما تحترم الشخص الأخر، وأنا ناجحة بيكم، وبحترمكم ، ورآيكم على راسي من فوق، انتو كمان احترموا وجهة ناظر حتى لو غير صحيحة، أكيد مش كل حاجة هتمشي على مزاجكم".
يذكر أن العديد من الفنانين أطلقوا هاشتاج "نتفرج بعدها نحكم"، على موقع التواصل الإجتماعي، دعماً للفنان عمرو يوسف، بعد قرار وقف مسلسل "الملك"، وخروجه من السباق الرمضاني المقبل.
