تامر عاشور يعلق على أزمة مريضة السرطان: ”عمري ما اتريقت على حد”
حرص الفنان تامر عاشور على الرد مجددًا بعد تعرضه لهجوم حاد وانتقادات حادة من قبل البعض، بعدما نشر صورته مع طفلة من مرضى السرطان خلال تصوير إعلان لصالح مستشفى أيادي المستقبل لأورام الاطفال، وظهر في الصورة وهو يعيطها "برتقالة" مرفقة بتعليق استفز الجمهور، وهو: "لا خدي إنتي، أنا صايم يا فاطرة بحبك"، وذلك عبر حسابه الخاص بموقع "فيس بوك".
وقبل قليل نشر تامر عاشور منشورًا جديًدًا عبر حسابه بموقع "فيس بوك" رد من خلال على مهاجميه حيث كتب: "صباح الخير - أنا طول حياتي ومشواري عمري ما اتريقت على حد سليم علشان اتريق على مريض حاش لله - واللي اخد كلامي تريقة على مريض نفوسهم ضعيفة وهم اللي مرضى بيفرقوا بين المريض والشخص الطبيعي".
وتابع: "لو نزلت صورتي مع أي طفل "اللي هو غير مُكلف بالصيام" وقلت له بأي طريقة "ماتشربش مياه قدامي يا فاطر أو خد دي يا فاطر أنا صايم" حد هيتكلم ؟ مستحيل علشان طفل طبيعي، لكن المريض لاااااا مانهزرش معاه زي الطبيعي علشان هو مريض ونفضل نقول له مريض مريض مريض ونحسسه بمرضه من تعامولاتنا".
وأضاف: "المرض الحقيقي هو التفرقة بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض المرض الحقيقي هو إن فكرة "المعايرة" جاتلك قبل ١٠٠ فكرة تانية ممكن تجيلك من جمال البنت وضحكها وبهجة الصورة".
اقرأ أيضًا: أول رد من تامر عاشور بعد الهجوم عليه بسبب ”مريضة سرطان”
واستطرد: "للأسف شوفت كمان حاجه غريبة جدا، ناس كتير قوي محسوبين على "هامش هامش هامش المجال الفني" عمرهم ما شافوا مني حاجة وحشة غير إني مباديهمش مواعيد لاقيتلهم تعليقات كأنهم ما صدقوا لاقوا لي غلطة وانصحهم "العمر بيجري حاولو تعملو حاجه لنفسكم أولى" البنت اللي في الصورة فضلت في حضني طول تصوير الإعلان وبحبها جدا جدا ومتفقين أنا وهي على حاجات كتير قوي قوي هنعملها".
