جريدة الطريق رئيس التحريرمحمد عبد الجليل
الإثنين 15 أغسطس 2022 09:25 مـ 18 محرّم 1444 هـ

”عندنا كلام كتير يتقال”.. شقيقة أحمد السقا تهاجم مها أحمد وتوضح الحقيقة

أحمد السقا
أحمد السقا

أثارت الفنانة مها أحمد ضجة كبيرة على السوشيال ميديا بسبب منشور لها على صفحتها الرسمية تفتح من خلاله النار على نجمين وتهينهم بسبب مساحة دور بطلة العمل التي تشاركهما، وبحسب كلامها زعم رواد مواقع التواصل الاجتماعي أنها تقصد أحمد السقا وأمير كرارة.

ولكن فاطمة السقا وهي شقيقة أحمد السقا لم تصمت، وردت عليها ردا ناريا، وكتبت عبر صفحتها الشخصية بموقع التواصل الاجتماعي "فيسبوك": "الكلام ده موجه ليكي يا أستاذة بدل ما تفضلي تمسحي ردي كل شوية.. ابهرتيني يا مها بأخلاقك العالية وبانك افتكرتي العيش والملح اللي كلتيه في البيت بتاع الفنان اللي مش عارفة تقولي اسمه".

وتابعت: "بس عرفتي تقولي عليه ندل اللي هو أحمد السقا.. بس أنا بقولك قدام الناس قطع لسان أي حد يقول عليه كده لأنه راجل أكرمك ووقف جنبك انتي ومجدي بدل المرة ألف.. وأمير كراره بردو راجل جدع و محترم للي ما يعرفهوش في البوست بتاعك ده".

وأضافت قائلة: "معرفش ايه الفرص اللي كانت عندك اللي كان يتمنى يشتغل معاكي فيها زمان بس هو اى حد يتمنى يشتغل معاه دلوقتي أكيد.. و كلمة الدور بينادي صاحبه دي بتاعة افلام.. ما بتتقالش في الحقيقة.. كفايا دراما وتشويه للناس.. وبعدين هما كممثلين مش مطالبين يقفو جنبك ولا يجيبولك أدوار على فكرة.. دى رؤية مخرج و ناس بتوع كاستنج".

اقرأ أيضًا: ”كومبارس جنبها”.. مها أحمد تفتح النار على نجمين مشهورين بسبب بطلة العمل

واختتمت كلامها دفاعًا عن شقيقها: "الحقيقة أنا مش عارفة انتي عايزة ايه.. أنا مش شايفة بعد العشرة الطويلة اللي انتي قولتي عليها غير كمية الحقد والسواد والشماتة اللي كانو متداريين ورا ابتسامة كدابة معرفش انتي ازاى كنتي بتدخلي بيوتنا الصراحة وانتي ست وحشة كده.. نسيت اقولك .. السب و التطاول ده بيدل على الأصل.. و احنا بقى ولاد ناس مع اننا عندنا كلام كتير اوى يتقال".