”كومبارس جنبها”.. مها أحمد تفتح النار على نجمين مشهورين بسبب بطلة العمل

أثارت الفنانة مها أحمد ضجة وجدلًا كبيرًا على السوشيال ميديا بسبب هجومها على نجمين كبار.

ولم تذكر مها أحمد اسماء هؤلاء النجوم ولكنهم شاركا في موسم رمضان 2021، وكتبت عبر صفحتها بموقع التواصل الاجتماعي "فيسبوك": "عوضي على الله دي الجملة اللي دايمًا بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوتة لسة ألف باء تمثيل واديتهم على قفاهم".

وتابعت: "إلي أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم.. مبيعملوش كدة مع أي زميلة لهم اقربها أنا.. النجم الأول بيني وبينه عيش وملح وزمالة رشحت فمسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة".

وأضافت مها أحمد: "المفروض أنه عارف قيمتي الفنية وعارف اني إضافة له، اتهرب منى وموقفش جنبى وباعنى رغم ان الكل عارف انى زى اخته (ندل).. اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه".

واستكملت كلامها : "طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت عوضى عليك يارب تمر الايام والاتنين يعلو ويتجمعوا مع بعض فمسلسل واحد على عينهم طبعا ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها.

اقرأ أيضًا: ”الثقافة” في العيد.. حفلة جديدة لـ هاني شاكر وفيلم تسجيلي عن العلاليلي

واختتمت كلامها: "يمهل ولا يهمل ابدوا من جديد يااوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا.. عوضنا على الله يارب متحوجنا لحد حتى ولو كان أقرب الناس لينا".