ابن نادية العراقية يزور قبرها في ذكرى ميلادها ويحضر لها ”سوشي” (صور)
حرص ابن الفنانة الراحلة فاتن فتحي الشهيرة بـ نادية العراقية على إحياء ذكري ميلادها الأولى عقب رحيلها منذ أيام، حيث ودعت عالمنا يوم 16 مايو الجارى، بعد تعرضها لوعكة صحية شديدة وتدهور حالتها الصحية من جراء إصابتها بفيروس كورونا، وزارابنها أدهم قبرها ومعه باقة ورود ووجبة سوشي حيث أنها كانت وجبتها المفضلة.
ونشرت الصفحة الرسمية للراحلة التي تحمل اسم "نادية العراقية" بموقع "فيس بوك"، صورًا لشقيقها في زيارة والدته مصحوبة بتعليق: "في ذكري ميلادها قام ابنها أدهم بزيارة قبر والدته محملًا بالورود ووجبة من السوشي كما كانت تحبه دائمًا، وقرأ علي روحها سور من القرأن الكريم كانت المرحومة تحبها بصورة خاصة ودعا لها بالرحمة وتركها مودعاً عائداً لسرادق العزاء بالإسكندرية .. رحمها الله وطيب ثراها وأسكنها الفردوس الأعلي من الجنة وأنا لله وإنا إليه راجعون".
من جانبها نشرت ابنتها مي محروس، عبر حسابها الخاص بموقع "فيس بوك"، فيديو مجمع مع والدتها، وصحبته بتعليق مؤثر كاتبة:"ماما اول عيد ميلاد ليكي متبقيش جنبنا و معانا أكيد انتي دلوقتي في الجنة و مبسوطة مع الملائكة و تيتا و جدو و اخواتك.. كان نفسي أقولك كل سنة وإنتي طيبة وأبوسك وأحضنك وأعملك مساچ زي ما كنتي بتحبي".
واستكملت:" والله يا ماما انا مش مستوعبة إنك خلاص مشيتي و سبتينا من غيرك اتكسرنا من غيرك يا أمي انا فعلاً مش قادرة اعيش من غيرك.. أنا عايزاكي وعايزة أشوفك بس عارفة إنه مينفعش لأنك عند ربنا الرحمن الرحيم وأكيد مبسوطة.. شكرًا يا ماما على كل لحظة عشتيهالنا وعلى كل لحظة ضحكتينا وطبطبتي علينا أنا بحبك أوي بجد يا روحي .. دايمًا كنتي بتحمينا وحتى لما مشيتي بتحمينا".
اقرأ أيضا: محمد صبحي: سمير غانم الوحيد في الوسط الفني مكنش عنده مشكلة مع زميل آخر
وأردفت :أنا بحس بيكي حواليا وبحس بانك بتطبطبي علينا الحمدلله ربنا مصبرنا بس احنا موجوعين أوي يا ماما محدش فينا مستوعب إحنا حاسين إنك مسافرة زي كل مرة وراجعة تاني وسطنا.. عمري ما كنت اتخيل إني هكتب كده و لاإني هحس الاحساس الصعب ده كنت دايمًا واثقة إنك هتفضلي عايشة وربنا هيفتكرني قبلك بس ربنا أراد حاجة تانية الحمدلله.. ماما الله يرحمك و يكرمك بجنته وسامحيني على أي حاجة كل سنة جاية و انتي في الجنة و بين ايدين ربنا.. بحبك و تعاليلي في الحلم اشوفك".
