”ليه تعملي كده”.. وليد منصور يغضب من ياسمين رئيس بعد أغنيتها مع حسن شاكوش

أعلن المنتج وليد منصور، عن غضبه وإستيائه من تقديم الفنانة ياسمين رئيس دويتو مع نجم المهرجانات حسن شاكوش بعنوان "حبيبتي".

وكتب وليد منصور، عبر حسابه الشخصي بموقع التواصل الاجتماعي فيسبوك: "الفنانه ياسمين رئيس ليه بس كده انت نجحتي في المسلسل و بقالك فتره مركزة في عمل بتعمليه ليه بلا داعي تعملي كده، ليه الممثلين عاوزين يركبوا تريند وخلاص صح أو غلط بجد نفسي الممثل يركز فقط في تمثيل يغني لوً الدراما عاوزه كده مش عمال علي بطال كله عاوز يغني مهرجانات وأي حاجه يانجوم مش كده والله المطرب مطرب و الممثل ممثل".

وأضاف: "علشان إحنا في مصر محدش نجح قوي في الاثنين مع بعض نفس النجاح غير عبدالحليم و تامر حسني انجم من غني و ممثل مع بعض وطبعا في نجوم تانيه كتير بس مش نفس درجه النجاح دي، أتمني ياسمين تحول توقف الأغنية أو تشوف حل علشان كل الناس زعلت قوي خاصه مش دويتو مع عمرو أو تامر أو حماقي أو منير كنا قولنا نشوف ده مهرجان شعبي يا ياسمين".

اقرأ أيضًا: تعرف على التشكيل الجديد لمجلس إدارة المتحدة وتفاصيل تطوير صناعة الدراما

يذكر أنه تصدر اسم الفنانة الشابة ياسمين رئيس، تريند موقع البحث الشهير "جوجل"، بعد مشاركتها في أغنية "حبيبتي" مع مطرب المهرجانات الشعبية حسن شاكوش والتي طرحت أمس ولاقت نجاحًا كبيرًا، كما تخطت مشاهدات الكليب المليون مشاهدة على موقع اليوتيوب، وأثارت رئيس الجدل على منصات التواصل الاجتماعي كما هي العادة بعد طرحها لأي عمل جديد.