بعد أزمة والد حسام حبيب مع شيرين.. أحمد إبراهيم: ”هنبطل نرد على أي حد”

علق الموزع الموسيقى أحمد إبراهيم، الزوج السابق للنجمة أنغام، على فكرة تسجيل المكالمات التي إنتشرت، بعد ازمة التسجيل المنسوب لوالد الفنان حسام حبيب، والذي يكشف مخططهم ضد زوجة نجله النجمة شيرين عبد الوهاب.

وكتب أحمد إبراهيم، عبر حسابه الشخصي بموقع التواصل الاجتماعي فيسبوك: "موضوع تسجيل المكالمات أو الاسكرينات عشان نفضح حد والشغل الحقير ده محبط جدا، خصوصا إننا في مواقع تواصل مش داخلين نتعبد يعني كله هاخد ويدي عادي بحسن نيه!".

وتابع: "خصوصا للناس اللي زيي بيتواصل وبيرد على ناس كتير وبتفاعل مع كل الناس أعملهم ليكات لصورهم وبوستاتهم زي بيعملوا عندي ومش بحب أحرج حد راجل او ست حقيقي أو fake ولو طلب مني مساعده أو رقمي بتاع الشغل ويبعتولي أرقامهم نتواصل واتساب رغم إنه منتشر خلقه أو مكان الستوديو أو حتى ناس جداد شعرا ملحنين مطريبن عازفين أو صحفيين لمواقع محترمين أو مدعين انهم صحفيين وبيبقوا فانز لنجوم أو حتى ناس عاديه محبين ليا بتواصل معاهم على سوشيال ميديا بقالنا سنين من غير ما أشوفهم .. لكن للاسف في ناس بتكون مبعوته مخصوص تستغل ذوقك".

واختتم: "الواحد هيبطل يرد على أي حد أحسن بعد كده وهرجع أخلي الناس اللي شغالين معايا يمسكوا الاكونتات كلها! المشكله إنك كإنسان عادي بتحتاج أكونت تعبر فيه عن حاجه زي فرحة بفوز فريقك أو تعيد على حد أو تكلم صحابك القدام مش معقول دي كمان هنتحرم منها عشان ناس سودا معندهم ضمير!".

وتصدر اسم الفنانة شيرين عبد الوهاب محركات الأعلى بحثًا عبر موقع "جوجل" خلال الساعات الماضية بعد انتشار تسجيل صوتي منسوب لوالد حسام حبيب، تحدث خلاله عن تحكم ابنه في حساباتها البنكية، وتخطيطه للزواج سرًا من أخرى، وأكد كره والدة حسام لزوجة ابنها، واعتبارها من طبقة اجتماعية غير ملائمة، رغم أن شيرين هي من تتولى الانفاق على عطلات حماتها الصيفية متحملة كافة التكاليف المادية.

اقرأ أيضًا: عمرو أديب: مغنو المهرجانات أمر واقع ننظمهم أو نمنعهم (فيديو)