حلا شيحة بعد توبتها: ”الفن لو بيخلينا نبعد عن منهج ربنا يبقي باطل”
أعلنت الفنانة حلا شيحة توبتها وتبرأت من مشاهدها مع تامر حسني في كليب أغنية "بحبك" التي طرحها الأخير مؤخرًا عبر "يوتيوب"، مشيرة إلى أنها بكت كثيرًا بسبب مشاهدها مع تامر حسني.
وكتبت حلا شيحة في منشورها عبر حسابها الخاص بموقع "انستجرام": "الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن، إحنا كلنا عندنا امتحان في الدنيا دي".
ووجهت رسالة لـ تامر حسني قائلة: "وحابة أفكرك بالفيديو ده يا تامر اللي قلت فيه أنا مش بتمنى أموت وأنا مطرب أنا دايمًا خايف من كده.. كلام أكيد قولته في لحظة صدق جواك وجوانا كلنا، شوفه تاني يمكن يفكرك إن جواك أكيد في صراع وأنا وكلنا بنغلط بس المهم في الآخر نتدارك الغلط ونصلح".
واستشهدت بآية من القرآن: "{إِلَّا مَن تَابَ وَءَامَنَ وَعَمِلَ عَمَلا صَـٰلِحا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰت وَكَانَ ٱللَّهُ غَفُورا رَّحِیما} مضيفة :"الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
وهاجمت حلا شيحة تامر حسني لأنه لم يفي بوعده لها بحذف بعض المشاهد التي لم تكن راضية عنها، مؤكدة أنها صورتها تحت ضغط ظروف معينة وتبرأت منها، حيث كتبت في منشور عبر حسابها بموقع "انستجرام" :أنا اتفاجئت جدا ًبنزول كليب يجمع فيه مشاهد متفرقة من الفيلم وفي أيام ذي الحجة ايام مباركة و خصوصاً بعد اخر بوست نزلته ووضحت فيه أنا ايه".
وتابعت:"اتفاجئت اكتر خصوصًا بعد وعد تامر حسني ليا وتأكيده انه حيحترم رغبتي وبعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي".
وأضافت :"احنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح أنا عارفة ومتاكدة أن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح".
وأضافت: "بتكلم من قلبي الكليب ده ميرضيش ربنا وأنا عيطت لاني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة اننا بنغفل و بننسى".
اقرأ أيضًا: حلا شيحة تتبرأ من مشاهدها مع تامر حسني: ”تبت وكلنا بنغلط”
واستطردت: "أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلًا علشان النجاح الحقيقي حاجة تانية خالص إحنا اغلبنا ناسينها إلا القليلين منا".
