«مش هنسيب حقنا».. ماذا قال وزير الرياضة للاعبين بعد خسارة أمم إفريقيا؟ فيديو

وجه أشرف صبحي وزير الشباب والرياضة، رسالة دعم للاعبي المنتخب الأول لكرة القدم، بعد خسارة المباراة النهائية لكأس الأمم الإفريقية على يد السنغال.

وخسر منتخب مصر أمام السنغال بنتجية 4-2 بركلات الترجيح، ليتوج أسود التيرانجا بلقب كأس الأمم الإفريقية الاول في التاريخ.

وقال أشرف صبحي خلال جلسته مع اللاعبين عقب المباراة: "كل مصر بتحترمكم بعد الأداء، وكل اللي وعدنا بيه قبل المباراة موجود".

وتابع: " النهاردة بطولة وانتهت بس لسه عندنا بطولات تانية، وأعتقد أن عندنا مباراتين أمام نفس الفريق ومش هنسيب حقنا، الجولة لم تنتهي وبإذن الله سنكون أقوى في القادم".

وواصل وزير الرياضة: "من البداية كنا بنقول يارب نوصل لدور الستة عشر، وبعدها لعبنا 3 نهائيات أمام المغرب وكوت ديفوار والكاميرون والنهاردة أمام السنغال".

واختتم: "مفيش منتخب عمل اللي إحنا عملناه، لكن لسه عندنا تصفيات كأس العالم، وأنا واثق فيكم وعندنا فريق نفتخر بيه، اللي حصل مش هيكسركوا، بالتأكيد كلنا زعلانين لكننا هنرجع أقوى".

اقرأ أيضًا: أول تعليق من إبراهيم سعيد بعد خسارة مصر أمام السنغال في نهائي أمم إفريقيا

الجدير بالذكر أن المنتخب الوطني ينتظره مواجهتين هامتين، أمام السنغال في المرحلة النهائية من التصفيات المؤهلة لكأس العالم قطر 2022.