«مات وأنا بعمل الإجراءات».. منة فضالي تروي قصة طفل حاولت تبنيه بعدما تركته أمه

أوضحت الفنانة منة فضالي عن تفاصيل حول نيتها لتبني طفل تركته والدته بعد ولادته بأحد مستشفيات الفيوم، ونشرت عبر حسابها الشخصي على موقع التواصل الاجتماعي "انستجرام"، صورة الطفل وحكايته من البداية.

وكتبت: "الولد ده اتولد من 5 أيام أمه خلفته في مستشفي في الفيوم وقالتلهم أنا مش عاوزاه أرموه في الشارع الممرضه صعب عليها خدته تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني".

وتابعت: "واحده تانيه بتشتغل معايا في البيت اختها أخدته تربيه سافرت الفيوم واخذت الولد وودته لدكتور طلع عنده الصفره بتقولي النهارده قولتلها هاتيه أنا هتبناه لأني نفسي يبقي عندي طفل من شويه بتكلم اختها قالتلها الولد مات بعد ما ابتديت أخد اجراءات التبني".

وواصلت: "مش قادره أوصفلكم حالتي حقيقي ولا أوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها، مهما كانت ظروفها ابنها ضناها ازاي في أمهات بالقذاره دي بس يعلم ربنا إني كنت حخليه أحسن حد في الدنيا مش الأم اللي بتخلف الأم اللي بتربي".

وتابعت: "انا بكتب البوست ده لأني فعلا موجوعه من قلبي وكنت فرحانه إني حاخد الولد بس ربنا مش رايد.. ربنا يرحمك برحمتو وحسبي الله ونعمه الوكيل في الست دي ربنا ينتقم منها أشد انتقام، الحيوان بيصعب علينا ما بلكم طفل ملوش أي ذنب غير إن واحده معندهاش قلب ولا ضمير ترمي ابنها".

اقرأ أيضًا.. تامر حسني يحسم جدل انفصاله عن زوجته بسمة بوسيل بهذه الطريقة