مفاجأة.. مصدر مقرب من دينا المصري: محاولة انتحارها تمثيلية
لازال الحديث عن المطربة دينا المصري مستمرًا، منذ خروجها منذ يومين للتحدث مع متابعيها ثم محاولتها الانتحار بسبب الضغوطات النفسية التي تمر بها، لذا بدأ البعض يتساءل حول حالتها الصحية والبعض الآخر شكك في هذه القصة كله، فأين الحقيقة؟
تطورات أزمة دينا المصري
تواصل أحد المقربين من دينا المصري مع "الطريق"، وأكد أن محاولة انتحارها هي مجرد تمثيلية، من أجل التريند، وقال: "دينا كويسة وفي بيتها وعملت القصة دي كلها بالاتفاق مع كذا حد عشان تبقى تريند".
وحاول "الطريق"، الاتصال المستمر بالفنانة دينا المصري، أو كما اشتهرت "دليلة"، إلا أن هاتفها مغلق منذ بدء الأزمة.
اقرأ أيضًا..
خاص| بعد محاولتها الانتحار.. ما هي آخر تطورات الحالة الصحية لـ«دليلة»؟
انتحار دينا حسين
وكانت دينا حسين هددت بإنهاء حياتها وقدومها على الانتحار، من خلال بث مباشر عبر حسابها الشخصي على موقع التواصل الاجتماعي «فيسبوك». وظهرت وهي من داخل سيارتها بمظهر مذري، وأكدت خلاله أنها يئست من الحياة ولم تجد من يقدم لها يد العون دون مقابل لذلك قررت التخلص من حياتها أمام الجميع.
وقالت دينا حسين خلال البث: «آخر مرة هتشوفوا وشي، وآخر مرة هتسمعوا الكلام دا، أنا دلوقتي اتصلت بماما علشان أسمع صوتها لآخر مرة بس تليفونها مقفول، كلكوا طبعا عارفني كويس، وعارفين إن عمري في حياتي ما ضعفت بالشكل ده، أنا اسمي دينا وعندي 29 سنة، خريجة سياحة وفنادق، مطربة، أنا متربية بين أم وأب انفصلوا من وأنا عندي 7 سنين، نزلت اشتغلت من وأنا عندي 9 سنين كل حاجة، بياعة في محل ملابس، في سنترال، خضار وفاكهة، في مصانع، معصرة قصب بنزينة، والدتي اتجوزت بابا اللي رباني أنا وأخويا وحبني أوي، وأنا حبيته بس ما كنتش عارفة إني بحبه أوي إلا لما ربنا افتكره».
وأضافت وهي تبكي: «من بعد ماما انفصلت عن بابا وأنا تعبانة، ودايما بدور على حاجة نقصاني في وشوش الناس، في الصحاب، في الحبيب، في الأهل، في الشغل، دايما بدور على أب، دايما حاسة إن ضهري عريان من بعده، ومن بعده ما فيش حد عرفني إلا وكان عايز مصلحة، من حبيب أهل، صلة دم، قريب صحاب، عايزين ياخدوا فلوس وحب وحاجات كتيرة».
وتابعت: «بقالي فترة بعافر بس تعبت وروحت لدكتور نفسي، بقالي فترة بتعالج وباخد منوم ومهدئات وتعبانة بردو، أنا قررت إن أنا أنهي حياتي، قولوا بقى ضعف ولا خارجة عن دينها، فا أنتوا هتحضروا معايا اللحظة دي، بس افتكروا أنا عمري ما أذيت حد، بس كلكوا أذيتوني، ودمرتوني، أنا بكرهكوا».
