«الزمالك مش كشك سجاير».. مرتضى منصور يفتح النار على ممدوح عباس

علق مرتضى منصور رئيس نادي الزمالك، على قرار حجز أرصدة النادي في البنوك، لصالح ممدوح عباس رئيس الأبيض السابق

وقال مرتضى منصور في تصريحات عبر برنامج "زملكاوي" المذاع على قناة "الزمالك": "ممدوح عباس ملوش جنيه عند الزمالك، ولازم يكون في وقفة معاه".

وشدد: "الزمالك مش كشك سجاير علشان كل ما يقف يتضرب، سواء من ممدوح عباس أو المنافسين، فلازم يكون في تحقيق من الدولة، وانا ساكت ومكتم على الموضوع علشان فيه صفقات".

وأوضح: "ممدوح عباس قال إنه حجز على الرصيد في بنك واحد وهو البنك الوحيد الذي يحتوي على أموال للزمالك".

وكشف مرتضى منصور: "تعادلنا مع الهلال السعودي واللاعبين ومجلس الإدارة كانوا عارفين بالحجز على الأرصدة، ودا ضرب الصفقات في أخطر وقت".

وواصل: "يا معالي رئيس الوزراء مش هنقدر نستمر بالشكل دا، لازم تتدخل ويكون في وقفة".

اقرأ أيضًا: نهائي كأس السوبر المصري.. موعد مباراة الأهلي ضد الزمالك

واختتم مرتضى منصور تصريحاته: "فشلنا في التعاقد مع لاعب إسباني جيد لفريق كرة اليد، علشان المفروض نرسل قيمة الصفقة 360 ألف يورو، لكن مقدرناش نعمل كدة بسبب الحجز على أرصدة النادي".