الصوت الشتوي قلب صيفي.. خناقة بين ياسمين عز ورضوى الشربيني
تصدرت خناقة "قطبي الرجل" في مصر ما بين معارض ومساند له المشهد مواقع التواصل الاجتماعي خلال الساعات القليلة الماضية، وذلك بعدما شنت الإعلامية رضوى الشربيني هجوما على تصريحات مقدمة برنامَج كلام الناس ياسمين عز عن الرجل، مشيرة إلى أنها تتبع أسلوب العبيد في العِلاقة ما بين الرجل والمرأة.
وهاجمت رضوى الشربيني تصريحات ياسمين عز المعتادة عبر حسابها الرسمي بموقع تبادل التغريدات تويتر، التي علقت عليها قائلة: «البيت بفلوس الراجل وتيجي مراته تقوله اقلع الجزمة علشان السجادة، ده أنا احط فساتيني الماركات تحت رجله يمشي عليها"، فجاء رد رضوى الشربيني ساخرا: «وأنا أقول الكلام ده ليه، أنا ست عندها كرامة، كلام العبيد ده مش بتاعي».
وتخرج ياسمين عز عن صمتها وتصيب الجمهور بصدمة، قائلة:
«كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة».
وأضافت ياسمين عز: «مدام، بليز كرامتك وقعت منك أخر مرة هناك، ابعتي عبد مظلوم من عندك يجيبها قبل ما تسيح في الشمس، واحكيلنا بالمرة قواعد بيات المرأة الأربعون بره بيت الزوج من غير إذنه، سلينا كده في الإجازة، لأنك بقيتي مملة وشطبتي محتوى، حتى تلقيحك ممل، زيرو محتوى زيرو أنوثة، بس للأمانة استرجال ليفل الوحش».
وواصلت : «ده أنا مش بس أدوس على الفساتين الماركات، ده أنا أدوس على أي حد علشان خاطر الفرعون الصغير الكبير، بعمل ده في الحياة العادية وبقوله فى العلن، انما بقى لما يكون في خرابة بيوت بتبوس الجذم وتعمل فيلم مظلوم وتطلع في العلن تحكيلنا مأساة المرأة الاغريقية، كده أنتي محتاجة علاج يا مدام».
وأضافت ياسمين عز: «روحي اتعالجي يا مدام، فيه تشوهات نفسية وشياط وغيرة ويأس بدأ يتجلى ويتفشى ويترعرع في الانحاء، وبلاش نشغل اسطوانة المرأة الحديدية، علشان المرأة نفسها لو عرفت أنتي إيه هايجيلها صدمة دماغية حضارية».
