بدرية طلبة: أنا ملكة الكوميديا في الوطن العربي ومحدش هياخد مكاني

هاجمت الفنانة بدرية طلبة في منشور عبر صفحتها بموقع فيس بوك أحد الأشخاص، دون أن تذكر اسمه، مؤكدة أنها ملكة الكوميديا في مصر والوطن العربي، وأنها تقدم نموذجًا للسيدة المصرية البسيطة.

وكتبت بدرية طلبة في منشورها: دي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا واني بعمل تجميل علشان أبقى حلوة يمكن اعمل دور هانم.

وأضافت بدرية طلبة: طب علقي على دور وحش عملته!! طب قولي حاجة أنا غلطت فيها دا لو أنت ناقد يعنى ولك الحق طب تجميل تجميل أنت مالك دانا بطلع في اي برنامج أقول اه عاملة بس مش بالاڤورة اللي بتتكلمى عنها وبتتريقي وبتتنمري بيها عليا وتألف حاجات.

واستكملت: اللي بيته من إزاز ميحدفش الناس بالطوب والا ايه، اللي عايزة تحلي نفسها مش حتطلع تقول سنها وتحكى على احفادها وتعمل أدوار زي اللي بعملها انا بعمل اللي احافظ بيه علي شكلى وعلى نفسي ودا الست العادية بقت تعمله والشعبية اللي مش عجباك شرف ليا انى معجبش واحد زيك.

واختتمت بدرية طلبة: انا لسه زي مانا العالم كله بيحبنيي ومحدش اخد ولا يقدر ياخد مكاني بدرية طلبة ملكة الكوميديا في مصر والوطن العربي غصب عنك وعن اللي زقك وعن اللي شبهك

اقرأ أيضًا: ”اتصرفي يا حكومة”.. بدرية طلبة تهاجم هذه الفئة من المجتمع (فيديو)