إغاثة طالب مصري في السودان: الرصاص داخل علينا بيوتنا
مازالت الإغاثات تتوالى من قبل الطلاب المصريين الدراسين في السودان وتحديدًا العاصمة "الخرطوم"، جراء الأحداث الجارية من قذف جوي ومدفعي، بجانب التراشق بالرصاص الذي أصبح متناول في شوارع، والتي أيضًا تحولت إلى صراعات وثكنات عسكرية.
الدبابات والمدفعيات في الشوارع
في هذا الصدد.. نشر "علي صديق"، طالب بكلية طب بأحد الجامعات بالعاصمة السودانية مقطع فيديو يكشف حجم المعانة التي يعيشوها هناك من خوف وتوتر من الأحداث، قائلًا: "أنا عاوز اتكلم عن الأحوال هنا اللي محدش مصدقها، يا جمعة والله العظيم أحنا تحت القصف سامعين اصوات الدبابات والمدفعيات في الشوارع".
الطلقة النارية داخلت عندنا البيت
تابع، قائلًا: "إطلاق الرصاص عشوائي بطريقة اننا مش بنعرف الطلقات جاية منين، المهم ان في الطلقة النارية داخلت عندك البيت، زي الطلقة اللي في أيدي كدة وقدام الكاميرا، أنا لو عندي معلومات عن اللي أنا ذاكرته، أحب أقول للجميع بسبب حالة الرعب دي أنا نسيت كل المذاكرة".
مفيش لا أكل ولامياه
أضاف، قائلًا: "إحنا عاوزين نرجع بلدنا في أسرع وقت، وبناء على كده كلمنا حد من المسؤولين قال ألتزموا البيوت، وإحنا بالفعل التزامنا البيوت، لكن مفيش لا أكل ولامياه ولا كهرباء ولا عارفين نشحن الموبيلات عشان نتواصل مع حد، ولا كمان في رصيد لو حصل لينا حاجه نعرف نوصل لحد، أنا دلوقتي اقصي طموحي أن اشحن الموبيل ويكون عندي مياه أشرب منها في الثلاجة زي باقي الناس.
صوت الصواريخ والرصاص
أشار، قائلًا: أنا لي سنتين في السودان ومرينا بثورات واستحملنا من أجل الدراسة والتعليم، وتحقيق الهدف المعين ليس اكثر وبالتالي هنرجع مصر مش عاوزين الاستقرار هنا، لكن اللي بيحصل المرة دي مستحيل نقدر نستحمل صوت الصواريخ والرصاص والمدافع واللي بنشوفها بعنينا كل لحظة، مستحيل نقدر نستحمل عدم الإرهاق وعدم النوم من الخوف والزعر والقلق.
تداخل المسؤولين لإنقاذنا
لفت، قائلًا: الاشخاص اللي ساكنين في الأماكن البعيد عننا الضرب حرفيًا داخل بيوتهم، أن لي صديق ساكن في منطقة المطار بقولي أنا مستخبى في بيتي الرصاص دخل علية من كل ناحية، وده لسان حال الجميع، ولكن أنا عارف كويس المسؤولين مش عارفين بسبب الأوضاع يتخذوا خطوة لينا، لكن ياريت يكون في مساعي أكثر معلش عشان وصل بينا الأمر إننا بنفطر مياه".
