محكمة الأسرة اليوم 2020| ضربني عشان أكلت العيال ب-35 جنيه
"جوزى راجل كسلان، بيحب قعدة البيت ومش بيحب الشغل، وضربني عشان 35 جنيه"، انهارت سيدة أمام محكمة الأسرة بأكتوبر بعد تبريرها السبب وراء دعوى الطلاق ضد زوجها.
وقالت الزوجة أمام محكمة الأسرة بأكتوبر: " أنا مستحيل أعيش معاه تاني، أنا خايفة يموتني، متجوزاه 13 سنة، كنت بصرف فيهم عليه وبسانده بالفلوس اللى بكسبها من شغلي، وبالرغم من كل ده كان بيضربني ويعذبني".
وتابعت الزوجة أمام محكمة الأسرة بأكتوبر: " كان بيقولي مش قادر اشتغل كل يوم، وسايبني اشتغل أنا ومش مهتم بالمضايقات اللى بتعرض لها فى الشارع".
وأضافت الزوجة البالغة من العمر 39 عاما أمام محكمة الأسرة بأكتوبر: " دمر حياتي ومستقبلي ومستقبل ولادي بسبب أفعاله، كان عاطل وبينام ١٦ ساعة، ولما بيصحي بيخرج مع أصحابه البلطجية يقعدوا ع القهاوي، ولما اشتكيت لأهله قالولي اخرجي اشتغلي واصرفي عليه".
واستطردت الزوجة أمام محكمة الأسرة بأكتوبر: "جوزي راجل كسلان، بيفضل قاعد فى البيت وسايبني أنا وعياله فى البيت من غير أكل ولا فلوس، عشان اضطر أنزل اشتغل وأوفر الأكل لعيالي، وبعدها يجي ويسرق الفلوس اللي اشتغلت بيها، ويصرفها ع القهاوي".
وأشارت الزوجة أمام محكمة الأسرة بأكتوبر : " اتعود يضربني ويهيني قدام ولادي، فكنت بترعب منه، لو سيبتهم معاه، وخصوصا بعد ماضربني أنا وابني وكسر دراعه، عشان يكمل العذاب في حياتي، ذل فى البيت وبره البيت، ولما أرجع من غير فلوس تكون النتيجة الضرب والتهديد بالقتل، وبالنهاية ضربني عشان 35 جنيه جبت بيهم للعيال أكل، وطردني من البيت بعدها".
