محكمة الأسرة اليوم 2020| هناء: عايشة مع ضرة إليكترونية.. وجوزي بيطلب مني مصروف

"جوزي بيضربني عشان أنزل أشتغل وأصرف عليه هو والبلاي ستيشن"، هكذا بررت الزوجة "هناء" دعواها للطلاق أمام محكمة الأسرة بأكتوبر.

اقرأ أيضًا: محكمة الأسرة اليوم 2020| رشا: مش طايق بنته بسبب مرضها وبيتهرب من دفع النفقة

وقالت الزوجة أمام محكمة الأسرة بأكتوبر: "المفروض إننا اتجوزنا بعد حب، بس بعد الجواز فيه حاجات كتير لقيتها غلط، وأهمها إن جوزي مدمن للبلاي ستيشن، بيحب قعدة البيت من غير شغل، وبيطلب مني أشتغل وأصرف على البيت".

وأضافت "هناء" أمام محكمة الأسرة بأكتوبر: "شهور وتعبت منه ومن تصرفاته، ضرب وإهانة وعذاب وعايشة فى جحيم، وحالتي النفسية باظت لدرجة إني قررت أطلب الطلاق".

وتابعت الزوجة: "أهلي فى البداية أقنعوني إن مينفعش أتجوز وأطلق بعد شهور، والمبرر بتاعهم الناس هتقول إيه، بس مقدرتش أستحمل، أنا عايشة مع ضرة إلكترونية، بلاي ستيشن وألعاب النت جننوه، طول الوقت قاعد مركز معاه، لدرجة إنه مؤخرًا بيطلب مني مصروف شهري".

وواصلت الزوجة أمام محكمة الأسرة بأكتوبر: "اتوسطت كتير لجوزي فى شغل، وكان بيحرجني كل مرة، ويسيب الشغل ويرجع يطلب مني مرتب شهري، لدرجة إن العلاقة بينا تدهورت وبقيت متجوزة بلاي ستيشن مش راجل، ومكنش قدامي غير محكمة الأسرة تجيبلي حقي".