تامر أمين لأولياء الأمور: ”الترييحة في الشدة على العيال بتجيب مشاكل”
طالب الإعلامي تامر أمين، أولياء الأمور التعامل بحزم مع أبنائهم، قائلًا:"الترييحة في الشدة على العيال بتجيب مشاكل كتير".
وأضاف أمين، خلال برنامج"آخر النهار"المذاع على قناة"النهار" :"الحمد لله الدنيا هادية شوية في أرقام المصابين بكورونا، لكن رغم أن الأرقام مطئنة، عدينا أول كسر لحاجز الـ 10 ألاف حالة".
وتابع:"حظر التجوال معناه أنك تبقى قاعد في بيتك، مش تحت بيتك كمان، والداخلية هتبدء تعمل جولات مرورية مش كماين بس لأن الناس بدأت تعرف طريق الكماين وتمشي من طرق تانية، واللي هيخالف حظر التجوال هيطبق عليه القانون".
واستكمل:"لازم تبقى عارف عيالك قاعدين فين وبيعملوا ايه، انا قاعد في البرنامج وعارف عيالي بيعملوا ايه، واحدة في أوضتها والتانية في الرسبشن".
