سلمى أبو ضيف تروي تجربتها مع التحرش: ”دكتور لمسني وسواق حط إيده على رجلي” (فيديو)
روّت الفنانة الشابة سلمى أبو ضيف، تجربتها مع وقائع التحرش منذ الصغر، وذلك في أعقاب انتشار قصة تحرش طالب بالجامعة الأمريكية بأكثر من 100 فتاة واغتصابه لبعضهن.
ونشرت سلمى أبو ضيف، مقطع فيديو عبر حسابها الرسمي على موقع "إنستجرام"، قالت فيه: "كنت حابة أتكلم في موضوع الولد اللي اتحرش واغتصب 100 بنت، لأن الموضوع ده يهمني ويهم كل البنات اللى موجودة فى مصر، لأن تقريبا مفيش بنت معرفهاش متعرضتش للتحرش من وهى صغيرة لحد دلوقتى".
اقرأ أيضا| بعد تخفيف عقوبته بالمؤبد.. ما لا تعرفه عن الفنان طارق النهري
أضافت: "لما جيت اتكلمت مع صحابى قبل كده منهم اللى حكالى قصص أنا مش قادرة أصدقها، وفى حاجات أنا مريت بيها، وأنا صغيرة مثلًا دكتور قرر لأن أنا بنت صغيرة وهو محل ثقة عنده الحق إن هو يقرب منى بطريقة مش مريحة، ويمسكنى بطريقة مش مريحة، وسواق الباص بتاع المدرسة يحط إيده على رجلى بطريقة مش لطيفة وحاجات كتير، لكن أنا قولت لمامتى مثلًا فى قصة الدكتور وعمرنا ما روحنا تانى".
ماذا قالت سلمى أبو ضيف عن واقعة طالب الجامعة الأمريكية؟
تابعت: "أنا عايزة أقول إن تلات أربع بنات مصر أو أغلبيتها مزروع جوانا الخوف، إحنا خايفين فى خوف كده أو غضب أكتر من الرجالة، يعنى لما فى واحد يقرب منى فى الشارع معرفهوش ممكن يبقى عايز يسأل حاجة، الواحد بيخاف ببقى بجد ببص حواليا يمين وشمال ودا حصلى من يومين.. لما ببقى ماشية سايقه العربية وفى عربية نص نقل وكله العمال واقفين فوق وباصين عليا ببقى نفسى الأرض تتشق وتبلعنى لأن هما باصين طول الوقت مش عارفة أروح فين ممكن أبقى خلاص هعمل حادثة لأن أنا عايزة أبعد من عندهم".
اقرأ أيضا| ”كنت هبقى من ضحاياه”.. للا فضة تصدم الجميع بتجربتها مع متحرش الجامعة الأمريكية
اختتمت: "أنا عايزة أقول بس اللى يحصله حاجة يروح يتكلم مع أهله، والأهالى لازم تبقى حاطفة ثقة فى أطفالها إن أى حاجة تحكهالها متاخدهاش بطريقة تعنيفية أو تمنعهم، بالعكس لازم يعرفوا يبنوا الثقة اللى بينهم وبين أطفالهم عشان يجوا يحكولهم أى حاجة، الواحد وهو صغير لما بيتحط فى المواقف دى مبيعرفش يتصرف خالص، وأول حد الواحد بيبقى حابب يحكيله هو أهله، علموا أولادكوا لما يحصلهم موقف زى كده إزاى تتكلمى لما حاجة تحصلك زى كده، قولوا متخافوش، إحنا المفروض منسكتش تاني، المفروض لو أى حاجة حصلت من الحاجات دى نحكى ونقول لأن طول ما ‘حنا مش بنتكلم ومش بنقول كل حاجة هتفضل زى ما هى".
