ممرضة عن مساعدتها مرضى كورونا بالمجان: ”مابخفش من العدوى”

كشفت الممرضة سحر سليمان، تفاصيل مساعدتها لمرضى فيروس كورونا من كبار السن في تنظيف منازلهم بالمجان ومساعدتهم.

وقالت سحر، خلال لقائها ببرنامج "مصر تستطيع"، المذاع على قناة"دي إم سي": "جدتي كانت نموذج ليا وقدوة لإنها كانت بتساعد الجيران واتعلمت منها كده".

اقرأ أيضًا.. بطرس غالي: ”المصريين وحشوني وكورونا ضربت النشاط البشري” (فيديو)

وتابعت: "بساعد الناس على أد إمكانياتي لو حد عايز ياخد حقنة أو يغير على الجرح، ومبخدش منهم فلوس لأن معظمهم بيكون ظروفه وحشة، وفي منهم بيكون عنده شلل ومش قادر يتحرك فبروح اساعده".

اقرأ أيضًا.. أستاذ فيروسات عن كورونا: متوقع الوصول لـ”صفر ”إصابات

واستكملت: "مش بخاف اخد العدوى من مصابي كورونا لأن الأعمار بيدي الله، مش شرط اخده من الحالة اللي بروح اساعدها ممكن اتعدي من الشارع، لو مكتوبلي ابقى مصابة كورونا هبقى مصابة، لكن ربنا بيحميني عشان بساعد الناس، لازم كلنا نساعد بعض لأن دي وصية ربنا لينا".