أشهر مقدمة برامج دينية: أنا في الساحل وجنبي بيرة وخمرة وبيكيني.. وناس لطيفة جدا
على حسابها الرسمي في موقع التواصل الاجتماعي "فيسبوك، نشرت الإعلامية دعاء فاروق، منشورًا تتحدث فيه عن قضاء إجازتها في الساحل الشمالي، قائلة: "إحنا في الساحل الشمالي في بلومار القرية المملوكة لصاحب وادى دجلة ماجد سامي، وهو مسيحي الديانة، ولا كان يفرق معايا ديانته نهائي، لكني مضطرة أقول كده لأن المكان خليط بين المسلمين والمسيحيين الوحدات ملخبطة متعرفش مين مسلم ومين مسيحي، غير لو اضطلعت على الأسماء، وطبعًا المحجبات معروفين".
وتابعت الإعلامية، في منشورها، أن الجنايني ومسئولي الصيانة والأمن في القرية التي تقضي إجازتها بها أسماءهم "جورج وعادل وجوزيف"، مبينةً أن البنات والسيدات يرتدون "بكيني" على الشواطئ، كما أن هناك بعض الشباب الذين يتناولون الجعة، قائلة: "البنات بالبكيني عالبحر والشباب أحيانا بالبيرة وإحنا بنكون تحت الشمسية اللي جنبهم لا هم بيستعروا مننا على أساس أن أحنا بقينا عار بالنسبة لبعض المرضى ولا إحنا متضايقين أبدا من وجودنا جنب بعض والناس لطيفة بشكل يفرح".
وأوضحت أن مالك القرية أقدم على بيع الوحدات للمحجبات، كما أنه ليس هناك مانع من نزول المحجبات بالمايوه المغلق، رافضة تسمية المايوه بالشرعي أو البوركيني، قائلة: "الراجل المسيحي باع الوحدات للمحجبات عادى ومفيش أي حمام سباحة ممنوع فيه النزول بالمايوه المقفول أبدا ومش بحب اسمي المايوه لا شرعي ولا بوركيني هو مايوه مقفول وخلاص".
دعاء فاروق وقصة السيدة المنتقبة
وروت الإعلامية دعاء فاروق، أنها رأت سيدة منتقبة لديها بنات وأولاد وكانت تجلس على الشاطئ بصحبة بناتها ومن بينهم بنات يرتدين الحجاب ومنهم غير المحجبات، كما تجلس البنات التي ترتدي "البيكيني" وهم في منتهى الرقي، قائلة: "كان في سيدة منتقبة تجلس مع أولادها وبناتها والبعض منهم محجبات وبعضهم غير محجبات والبنات بالبكيني وحاجة في منتهي الرقي اللي في الدنيا ومحدش بيبص علي حد اصلا ولا بتعالي ولا باحتقار ولا بتلصص ولا بأي طريقة والناس مستمتعين بالبحر وحمامات السباحة مع أهلهم وأصحابهم".
وعن واقعة منع خادمة من النزول لحمام السباحة وهي ترتدي البوركيني، قالت: "بمناسبة الواقعة العجيبة اللي حصلت في مكان ما في الساحل مش متأكده من اسمه ومش فارق معايا الأسماء المهم التصرفات التي تصدر من ناس بيقولوا علي نفسهم انهم شيك وكلاسي وكده.. إيه يا ناس ايه اللي جرالكو؟، وإيه قصة انتي مستأجرة ولا مالكة دي؟، ده الشاليه الصغير في الصف بتاع سيدي عبد الرحمن بيتأجر بـ٣٠٠٠ و٤٠٠٠ جنيه في الليلة الواحدة، وفي الفلل بأرقام خيالية هتدفع كل ده وتيجي تستخسر في المايوه اللي علي جتتها، ما تظبطوا كده وانتو بتتكلموا وتحسنوا الملافظ والاخلاق عشان بقت بظرميط خالص".
دعاء فاروق ورسالتها لصانعي المشاكل
وأشارت الإعلامية إلى أن الأشخاص تتوجه إلى الشواطئ من أجل الاستمتاع، موجهة رسالة إلى الأشخاص الذين يحاولون خلق المشاكل وزرع الفتن، قائلة: "الناس عاوزة تروح تتبسط يا هادمي اللذات يا عديمي المفهومية يا بتوع جر شكل مخاليق ربنا وتعالوا اتعلموا من الناس اللطيفة اللي إحنا قاعدين في وسطهم وناس كُمًل وذوق والأهم أنهم راقيين اصل الرقي له ناسه مش باللبس يا حبايبي لا بالأخلاق وتعرفوها الأخلاق دي ولا معدتش عليكم؟، هي معدتش عليكم عارفين ليه لأن الأخلاق بتقول إننا نخلينا في حالنا ومنحشرش نفسنا في شؤون غيرنا والأخلاق بتقول إننا منضايقش حد طالما هو في حاله ومجاش ناحيتكم.. الأخلاق يعني نضحك في وش الناس ونصبح ونمسي عليهم ونساعدهم لو احتاجونا وأضعف الإيمان مالناش دعوة بيهم مش نكدرهم بمنتهى السئالة والرخامة والتناحة".
وأكدت الإعلامية أن الأشخاص التي تتدخل في شؤون الأخرين لابد لهم من تأهييل نفسي وتربية لكي يعلموا ما هي حقوقهم ووجباتهم، ولا يحق لهم التدخل في شؤون الأخرين.
اقرأ أيضًا: دعاء فاروق تنفعل على أحد المتابعين بسبب التحرش: ”اظبط كلامك”
دعاء فاروق ورسالتها للمحجبات
ووجهت رسالة إلى البنات المحجبات، جاء فيها: "يا بنات يا محجبات يا لطيفات يا جميلات يا قمرات يا مؤدبات يا راقيات معلش يا حبايبي الناس دول مش كتير هم شوية ناس مزعجين مش فاهمين واعرضوا عن الجهلة يا حبايبي وإدوهم ضهركم ومتردوش علي حد طالما إنتو موجودين في مكان مسموح فيه المايوه المقفول يبقي اللي مش عاجبه يخبط راسه في أي حاجة عشان مفيش حيطان في شواطئ".
