”لو عندك الجرأة تحدث عن الـ20 مليون”..سيف زاهر يكشف تفاصيل جديدة في أزمة حسام عاشور مع الأهلي

كشف الإعلامي سيف زاهر تفاصيل جديدة في أزمة حسام عاشور مع النادي الأهلي، بعدما رفض السويسري رينيه فايلر المدير الفني للأحمر تجديد تعاقد اللاعب بعد انتهاء تعاقده.

وكان حسام عاشور قد خرج على وسائل الإعلام كاشفًا تفاصيل جديدة في خلافه مع مجلس إدارة الأهلي برئاسة محمود الخطيب، وعلاقة تركي آل الشيخ.

وقال سيف زاهر في تصريحات خلال برنامجه الإذاعي عبر راديو "أون سبورت": "كلام عاشور وهجومه على الأهلي مش هيأثر بحاجة على تاريخ الأهلي وجهوره، لأن جمهور الأهلي كان على حق في الأزمة من البداية".

وتابع: "لو عندك جرأة أخرج اتكلم وقول الحقيقة، إنك طلبت من الخطيب 20 مليون جنيه حتى لو مش هتلعب، وطلبت تكمل سنتين في الأهلي وتاخد الـ 20 مليون حتى لو مش هتلعب رغم أن بقالك سنة محطش رجلك في الملعب".

وأوضح: "عاشور كان عايز يكمل في الأهلي من غير ما يعلب علشان ياخد 20 مليون جنيه يعني علشان الفلوس، وبيقول دلوقتي أنا قادر العب وعندي عروض، فين العروض دي ياعاشور كان لازم تحترم تاريخك ولو عايز تكمل تلعب في أي نادي تاني حقك بس بدون ماتغلط في النادي اللى صنع نجوميتك وتاريخك وشهرك".

اقرأ أيضًا: هل يحق لرمضان صبحي المشاركة مع الأهلي بعد انتهاء إعارته؟ الفيفا يرد

واختتم سيف زاهر تصريحاته: "عاشور عارف أنه مش هيلعب كورة تاني وعايز الأهلي يكافئه بـ20 مليون جنيه، وخارج يقول أنا طول عمري ساكت لأ أنت مش ساكت أنت عملت ملايين وتاريخ بسبب الاهلي، وفي ناس تانية عندها ولاء مأخدتش 10 % من اللى اخدته".