بالفيديو.. حلمي بكر يصدم مطربًا شابًا: «إنت بجح»
شنّ الملحن حلمي بكر هجومًا ضاريًّا على مطرب شاب يدعى سيف عماد، بعدما ألقى مقطوعة غنائية على الهواء مباشرة.
ومخاطبًا الشاب، قال بكر خلال لقائه ببرنامج "هندية والنجوم" على فضائية "الحدث اليوم": "الموبايل اللي معاك ده بيتآمر عليك.. الغناء بالموبايل لا يصح.. ياريت تشرف في الاستوديو وتغني بالمقدرة بتاعك دي.. في بعض الناس بيسموا ده مطرب بحج".
وأضاف: "إنت جريء في الغناء، ياريت تيجي وتقعد وتسمع الناس منك مباشرة لكن الواسطة اللي بينك وبينا هي الموبايل، ودلوقتي الموبايلات بقت بتغير في الصوت وفي الكلام".
ودائمًا ما يظهر حلمي بكر منفعلًا ومهاجمًا بحدة لمطربي المهرجانات، ودائمًا ما ينتقدهم ويطالب بالتوقف عن سماعهم وعدم منحهم الفرصة للغناء لتسببهم في تدهور الذوق العام.
وفي تصريحات تلفزيونية سابقة، قال بكر مهاجمًا مطربي المهرجانات: "مطبخ مصر الغنائي أصبح مليئا بالصراصير والحشرات.. لو جبت أي قوة على وجه الأرض لإبادة الحشرات، المبيد هو اللي هيتباد وليست الحشرات، المطبخ اللي بيطلع منه أكل مبقيناش عارفين بيطلع منه إيه ولا فيه إيه".
وأضاف: "من يغنون المهرجانات يحصلون من نقابة الموسيقيين على تصريح DJ، رغبة من النقابة في زيادة مواردها، الناس شايفين إن اللي إحنا بنتكلم فيه دا منطقة محرمة، التصريح اللي بياخدوه دا ورقة مكتوب عليها حبر أسود، وهي ورقة مكتوب عليها تصريح زور واستخدام لمنتج متعارض".
