نادية مصطفى تعلن تعافيها من فيروس كورونا: ”عيشت في رعب وخفيت”
أعلنت المطربة نادية مصطفى، عبر حسابها علىموقع التواصل الاجتماعي "فيسبوك"، تعافيها من فيروس كورونا المستجد "كوفيد 19"، بعد فترة عزل 16 يوما متواصلين.
وكتبت نادية "الحمد لله الذى بنعمته تتم الصالحات، بعد عزلى 16 يوم وتأكدى بعد 3 تحاليل آخرها كان تحليل اليوم واطمئناني على نفسى بإنى خفيت.. أستطيع أن أخبركم بإنى عشت الأيام اللى فاتت فى رعب بعد ظهور أعراض كورونا، الحمد لله حمداً يليق بجلال وجهه وعظيم سلطانه ومهما شكرته مش هوفى".
وأضافت: شكرا جزيلاً لدكتور هشام المناوي اللى وجهنى أول أما قلتله وشكراً جزيلاً لاهتمام الدكتور حسين جعفر واللى تابع معايا بكل حب واهتمام أول بأول وكان هو اللى بيتصل بيا علشان يطمنى لأنى كنت فى البداية منهارة وشكراً جزيلاً لأخواتى وعشرة عمرى الغالى هانى شاكر وتوأم روحه وروحى نهله حبيبتى قلقتهم وشكراً أستاذ علاء عامر وسؤالك عنى طول الوقت شكراً نجوى وهدية ربنا اللى خلت معنوياتى فى السما اما قالتلى رؤيه أبكتنى شكراً إخواتى وعائلتى الجميلة.
اقرأ أيضا: وزير الإنتاج الحربي يصل مقر شركة ”IDWT” (فيديو)
وتواصل: شكراً لله لأنه رزقنى بأولاد برغم وجودهم بعيد بس كانوا معايا 24 ساعة على zoom وBotim فهونوا عليا العزل ورفعوا من معنوياتى وشكرا كتيييييييير أوى بأه لشريك حياتى اللى تفانى فى خدمتى واهتم بأكلى .. ودايما كنت بلمح فى عينه الرعب بس هموت واعرف هو كان مرعوب عليا ولا مرعوب من كورونا هزر والله ربنا يديله الصحة ويخليهولى وبجد تسلم الشده اللى بتبين معدن الإنسان ويااااارب يخلصنا من الرعب اللى احنا فيه ويزول هذا الوباء عاجلاً وليس أجلاً بقدرة كن فيكون
حبايبى اللى كانوا بيسألوا عليا دايما وهما بس اللى كانوا عارفين مع انى عارفه وواثقه انى لو كنت قلتلكم كانت هتبقى مظاهرة حب ملهاش مثيل بحبكم كلكم
