شاكوش عن رسوبه في النقابة بسبب القراءة: خبر كذب والراجل ميعيبوش حاجة
علق مطرب المهرجانات حسن شاكوش، ما تردد عن أنباء رسوبه في امتحانات نقابة الموسيقيين بسبب عدم إجادته القراءة والكتابة، نافيًا كل ما تردد حول هذا الشأن، كما نفي خبر القبض عليه لطمأنة جمهوره.
وقال "شاكوش" خلال بث مباشر "لايف" عبر صفحته الرسمية على موقع التواصل الاجتماعي "فيس بوك" من سيارته: "أنا كنت في مشوار وكنت شغال برة بعيد عن خط المنصورية والهرم، وأنا طلعت لايف عشان أعرف الناس والصحافة اللي بتكتب غلط وعايزين يتصيتوا وخلاص ويجيبوا نسبة مشاهدات بالأونطة".
وأضاف مطرب المهرجانات: "كان عندنا لجنة في النقابة أنا وعمر وروحنا والحمد لله الدنيا تمام ودخلنا وامتحنا ومفيش أي مشاكل، والصحافة كلها كانت هناك، وخلصنا امتحان والدنيا تمام ومفيش أي مشاكل، وببص لقيت أن حسن شاكوش سقط عشان مبيعرفش يقرأ ويكتب".
اقرأ أيضا :أهم قرارات رئيس مجلس الشيوخ بشأن اللائحة الداخلية
كم أردف: "صحابي وناس كتيرة جدا بيكلموني وبيضحكوا على الخبر لأني بكلمهم على الفيسبوك والواتساب قراية وكتابة ومش بمشي معايا حد يكتب لي، ولو مبعرفش أقرأ وأكتب أنا راجل ميعيبنيش حاجة والراجل مبيعبوش حاجة وده خبر كدب".
وتابع: "اتفاجئت أن حسن شاكوش نجح بنسبة 70% في الغناء و30% مبيعرفش يقرأ ويكتب، والحمد لله بعرف أقرأ وأكتب، وأنا مش عارف اتكلم عشان أنا في العربية"، وقرأ بالفعل عددا من تعليقات الجمهور على الهواء في اللايف.
