بعد الهجوم عليه بسبب شيكابالا.. هنا الزاهد: فهمي طيب وعفوي وبينسى إنه ممثل

وجهت الفنانة هنا الزاهد، رسالة دعم إلى زوجها الفنان أحمد فهمي، بعد تعرضه لهجوم كبير، بسبب سحب اعتذاره الذي أعلنه للاعب نادي الزمالك شيكابالا، وذلك من خلال منشور طويل لها عبر حسابها الخاص بموقع التواصل الاجتماعي "فيسبوك".

وكتبت "الزاهد": "بعيدًا إن شهادتي في مجروحة لأن الناس هتقول بقول الكلام ده عشان جوزها، أنا لا بفهم في الكورة و لا بتفرج عليها بس بشوف قد إيه الإنسان ده بيحب يكون عفوي و بينسى أنه ممثل وبيتعامل مع كل الناس بكل ذوق حتى في الشارع وفي التصوير وفي كل مكان والناس اللي عرفاه عرفين ده كويس".

وأضافت: "أنا عارفة أنه الناس بتفضل تقول لا ده ممثل مينفعش يقول رأيه.. بس للأسف الإنسان ده بينسى وبيخسر من كتر ما هو اللي في قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للأسف بتطلع أخبار بالكلام اللي بيقولوا".

وانهت حديثها كاتبة: "عموما أنا عايزة أقولك أنك قلبك طيب وعفوي بزيادة وبتقول اللي جواك من غير ماتحسبها عشان بتنسى أنك ممثل أصلا بس الأيام دي مينفعش تبقى كده للأسف.. وأعمل اللي يريحك لأنك إنسان وإحنا كده كده بنحبك جدا".

وكان فهمي قد تراجع عن اعتذاره لـ لاعب نادي الزمالك شيكابالا، بسبب منشور مسئ له وكتب عبر حسابه بموقع "فيسبوك" : "أنا بسحب أي كلمة قلتها عنك فعلا، الاستوري بتاعته حالا، حاجة تقرف، واللي مش عاجبه يشيلني من عنده، الأهلي وجمهوره أسيادك، وبعدين عيب تبقى ابن النادي الأهلي وماضي له قبل كده وتعمل كده، فك كده ماتبقاش نفسيتك أفشة يا نباطشي".

اقرأ أيضًا: بإطلالة كاجول من أمام البحر.. حنان ترك تبهر متابعيها في أحدث ظهور

وكان وجه فهمي، اعتذارًا لـ "شيكابالا"، بعدما سخر منه بطريقة غير لائقة وكتب: "رغم خلافي معه الشديد ومفيش صلح لا من قريب ولا من بعيد بيني وبينه، لكن موضوع الكلب والفيديو دا حاجة عنصرية جدا الصراحة ومنظر بشع، احنا جمهور كبير ومحترم وبنقول على الغلط غلط حتى لو طالع من عندنا، الاعتذار عن اللقطة دي واجب، بعتذرلك، لكن موقفي منك لن يتغير".