نبوءة كريم تحققت.. وقع وهو بيلعب كورة: ”مش هتجوز عشان هموت صغير”
في عام 2018، كتب الشاب كريم عويضة عبر صفحته على موقع التواصل الاجتماعي "فيس بوك" تدوينةً تنبأ فيها بوفاته شابًا، وأن ذلك الإحساس كان يراوده منذ صغره، وبعد 3 أعوام فقط، سقط "كريم" أرضًا خلال مباراة كرة قدم ولفظ أنفاسه الأخيرة لتتحقق نبوءته.
وكتب أحد أصدقائه ناعيا له ومعلنا نبأ وفاته: "كريم رحمة الله عليه بيلعب كُرة فجأة يتعب فجأة يتنقل مستشفىٰ فجأة يتوفاه الله كُل دة في أقل من ساعة، الله يرحمك ويغفر لك ويسامحك ويعوض شبابك في الجنة بإذن الله، رزقك في الدُنيا في نضافة قلبك، الله يصبر أهلك ويصبرنا علىٰ فُراقك ياحبيبي في أمان الله ورحمته و مغفرته".
صفحة كريم على موقع التواصل الاجتماعي "فيس بوك" تحولت من المكان الذي تنبأ فيه كريم بوفاته إلى دفتر عزاء من محبيه وأصدقائه وتلامذته، معبرين عن حزنهم على رحيله، ومعيدين نشر تدوينته وتوقعه بأنه سيموت دومًا في سن صغيرة.
وكتب "كريم في تدوينته التي تداولها أصدقاؤه ومحبوه: "السبب الوحيد اللي كان بيخليني أتجوز وأنا صغير هو نفس السبب اللي كرهني في الجواز لما كبرت شوية، إني طول عمري من صغري عندي إحساس إني هموت وأنا صغير، وده عمره ما ضايقني بس كان بيضغطني في إني عايز ألحق أعمل كل حاجة زي ما يكون عندي Deadline.. اللي هو بقيت ألوم نفسي على كل فرصة بضيعها وكل وقت بيضيع مني، اللي اختلف دلقوتي مع سنة بكبرها أن الضغط بيزيد اللي هو أنا بقيت كده مش عايز أربط حد بيا لدرجة إني بزق الناس بعيد علشان محدش يزعل لما اتكل".
اقرأ أيضا: عريس الجنة | ”طارق” كتب ”ابدأ يومك بالقرآن” ومات فجأة.. لبس الكفن قبل بدلة الفرح
وتابع "كريم" حينها قائلا: "ويمكن ده أكبر تفسير منطقي أقدر أقوله للناس اللي بتزعل مني على عدم ردي أو سؤالي عليهم وعلى إني بختفي أوقات كتيرة وبرضو سبب إني بحب السفر، أنا بقول الكلام ده علشان كم الناس اللي متعلقة بوجودي في حياتهم بطريقة مريبة اليومين دول، والسلام عليكم ورحمة الله وبركاته».
