”عايشة بين 4 حيطان وعاوزة أموت”.. التحقيق في واقعة انتحار فتاة التيك توك ”جنات السيسي” ”فيديو”
تجري جهات التحقيق تحقيقاتها في واقعة محاولة انتحار فتاة التيك توك جنات السيسي، عن طريق تناولها كمية كبيرة من العقاقير المخدرة، داخل شقتها بمساكن شيراتون، بمصر الجديدة، بمحافظة القاهرة، وطلبت تحريات أجهزة الأمن حول الواقعة، والإستماع إلى أقوال فتاة التيك توك، حول الواقعة، لمعرفة دوافعها.
اقرأ أيضا: جهود مكثفة لكشف لغز العثور على جثث أسرة كاملة بأسيوط
كانت خرجت إحدى فتيات الـ"تيك توك"، والتي تشتهر بإسم جنات السيسي، في "لايف" عبر صفحتها الشخصية على موقع التواصل الاجتماعي "فيس بوك"، بينما تحاول الانتحار بتناول كميات كبيرة من الأدوية المختلفة.
وخلال مقطع الفيديو، ظهرت الفتاة تبكي بحرقة وانهيار وتقول: "أخدت أدوية كتير، صحيت تعبانة ومخي تقيل جدًا بس مش ميتة، ومحدش وقفلي ولا عملي حاجة، أنا كلمت الشخص اللي كان في حياتي متحركش، طيب أنا موجودة ليه وعايشة ليه وحتى لو أنا عايشة عشان أشخاص هما مش عاوزيني".
وواصلت خلال مقطع الفيديو بينما تنهمر دموعها: "الناس بتستنى صوري اللي بيبان فيها كتفي وشفايفي عاملة إزاي بس أنا لوحدي، أنا عطلت نفسي كتير ليهم وهم بيسيبوني وحدي".
وتابعت: "لو حد يعرف الشخص اللي كنت مرتبطة بيه يقوله لو جنات كان همها على فلوس كانت بقت في حتة تانية، هو صرف عليا لكن معنديش لا رصيد في بنوك ولا عربية ولا شقة، أنا أعرف أجيب تل فلوس وأنا ست مرغوبة، عارفة إن ربنا مش راضي عني وإني مش كويسة بس هقابله في الآخر، وأنا محتاجة أمي"
وخلال مقطع الفيديو، تناولت الفتاة العديد من الأدوية بكميات كبيرة، مضيفة: "أنا مش ناقصني شو ولا حاجة وكنت جدعة وراجل وبنت بلد، لكن عاوزة أموت، ويارب البرشام ده يعمل حاجة ومش هسكت لحد ما أموت".
