أسامة منير: مراتي كول لو مثلت تقولي بوس عادي (فيديو)
كشف الإعلامي أسامة منير العديد من الأسرار حول حياته الشخصية وقصة زواجه والتجارب العاطفية التي مر بها في حياته، كما تحدث عن رأيه حول قصص الحب وعن أغرب الرسائل التي عرضت عليه في برنامجه، وذلك خلال لقائه مع الإعلامي عمرو الليثي في برنامجه "واحد من الناس".
وتحدث أسامة منير عن التجارب التي مر بها قبل زواجه حيث كشف أنه مر بالعديد من تجارب الحب، وتعرض لتجربة قاسية وجارحة، قائلًا:" اتعرضت للجرح والحمد لله كانت علاقة وانتهت تماما".
وأضاف منير: "وأنا عندي 12 سنة كان عندي 6 علاقات في نفس التوقيت، وأنا في الجامعة عقلت شوية، بعدها بطلت خالص علاقات عاطفية، وكان همي كله رياضة، وأنا عندي 16 سنة عملت "فتاء"، فوقفت رياضة فرجعت اعمل علاقات عاطفية".
وقال أسامة منير:"لما جيت اتجوز ماكنتش خام إطلاقًا، الستات مش بتحب الرجالة الخام، الراجل الخام بعد الجواز بينطلقوا والعكس اللي مقطع السمكة وديلها بعد الجواز بيكون هادي".
أسامة منير يتحدث عن قصة زواجه
وتحدث منير عن قصة زواجه قائلًا: "تزوجت مراتي فى إعلان بطاطس، كانت هي المنتجة وأنا كنت هعمل الفويس أوفر، خلصت الإعلان وعملت فيها الواد الجامد ومشيت، جريت ورايا قالت لي خد فلوسك قلت لها بعدين، ورجلي أنا اللي جت فضلنا سنة مع بعض قبل الزواج، لأن والدي كان متوفي وبعدين اتجوزنا وبقالنا عشرين سنة مع بعض".
وتابع: "أنا زوج مخلص وبحب مراتي وبيتي، ومافيش راجل مخلص بنسبة 100% لو اعتبرنا إن النظرة مش إخلاص بس ده مش معناه خيانة، لأن مافيش راجل مش بيبص لواحدة حلوة".
وأضاف منير خلال لقائه مع الإعلامى عمرو الليثي:"مراتي مش بتغير، هي كول أوي لو سألت سؤال تسأله على استحياء لكن أنا دايما بكون حاسس بيها وبحافظ على مشاعرها، وأنا بطبيعتي فنان وطبيعتي مودي ومن الصعب حد يستحملني، كل شوية مزاجي بيتغير غلس في تفاصيلي".
وأضاف": مراتي متفهمة طبيعة شغلي ومش بتغير من المعجبات ولو قابلوني في الشارع هي اللي بتصورهم، في مرة قلت لها لو جالي دور ومثلت والدور في بوسة ابوس، قالت لي ما تبوس مش في سياق الدراما".
اقرأ أيضًا: نادية الجندي: بيتقدملي عرسان كتير .. ومحرومة علشان أحافظ على لياقتي (فيديو)
