أسما شريف منير تكشف سبب خلافها مع والدها: اعتذاره علمني حاجات كتير

نشب خلافا بين الفنان شريف منير وابنته أسما لذا قرر مصالحتها ووجه اعتذارًا لها، من خلال مشاركة فيديو يحمل لقطات مُصورة تجمعهما، عبر حسابه الخاص بموقع "إنستجرام".

وكتب شريف منير على الفيديو الذي نشره أمس: "أنا منزّل الكليب ده علشان بصالح أسما، بنتي وحبيبتي، لأني كنت مزعلها، متزعليش مني يا أسما، أنا فعلاً كنت بايخ".

وكشفت أسما شريف منير عن سبب خلافها مع والدها، مؤكدة أنها تعلمت الكثير من موقف والدها، وأنهما دائمي الشجار معه، حيث نشرت صورة تجمعهما وعلقت عليها:"هي دي تقريبا علاقتي أنا وأبويا ناقر ونقير، أبويا برج الثور وأنا برج الحمل الاتنين طيبين بس سخنين ومتسرعين".

وتابعت:"عايزة أحكيلكم على موقف مهم جداً وأثر فيا.. أبويا عمل حاجة امبارح علمتني حاجات كتير أوي، للي مايعرفش كان في سوء تفاهم كده وكنت زعلت شوية منه، فجأه لقيته منزل ڤيديو عنده على الإنستجرام بيطيب خطري وبيقولي ماتزعليش قدام كل الناس".

وأضافت:"طبعاً أنا كنت طايرة من الفرحة ونسيت أصلاً أني كنت في يوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع".

وواصلت: "أولًا اتعلمت أن الاعتذار بيكبر الواحد جدًا عمره ما يصغره، الكبرياء اللي يخلي حد فاكر أنه لو ماعتذرش هو كده جامد ده كلام فارغ، علمني أني لما أزعل بنتي اعتذرلها لو فعلاً غلطانة عشان عرفت قد إيه بيفرق في النفسية ومش عشان إحنا أهل يبقي مش وارد أننا نغلط، أبويا جريء وصادق واللي في قلبه على لسانه وأنا بحترمه وبحبه وبتعلم منه كل يوم".

اقرأ أيضًا: بأغنية ”أحلى بنوتة”.. شريف منير يصالح ابنته أسما: ”أنا فعلا كنت بايخ” (فيديو)

وأختتمت أسما منشورها كاتبة: "في مكس كده ما بين أنه صاحبي وأبويا، يعني ضحك وتهريج وأحكيله كل حاجة بس وقت الجد عسكري واقفة قدام حضرة الظابط، ربنا يبعد عنا العين الوحشة ويباركلي فيه وفي عمره وأفضل اتعلم منه كل يوم وأفضل فخورة أنه أبويا العمر كله".