ربة منزل تستغيث بمحكمة الأسرة من زوجها: ”جبروته عدى الحدود”
شهدت محكمة الأسرة اليوم الثلاثاء، دعوى طلاق للضرر من ربة منزل، طالبت فيها بحبس زوجها؛ لاستيلائه على منقولاتها ومصوغاتها وزواجه من أخرى في بيت الزوجية الخاص بها وأولادها، بعد إصابتها بعاهة مستديمة.
وقالت السيدة أمام المحكمة: "جبروته عدى الحدود، بعد جواز 6 سنين، وعشرة وأولاد بينا، تخلى عني في أول أزمة في حياتي، واتخلى عن ولاده ورفض يصرف عليهم ومصاريف علاجي".
وأضافت الزوجة: ": بعد ما فاض بيَّ الحال، صبرت سنة ونص عليه، من قلة أكل وحاجتي للعلاج، كترت مشاكلنا وخناقاتنا، وطردني من البيت مبقاش عايزني بعد ما حصلتلي عاهة في حادثة عربية، ومش بس كده، اتجوز عليا في بيتي وعلى جهازي وعفشي، وخد دهبي وسبني بعيالي محتاجين".
وأكملت: "هان عليه لحمه ورمى عياله، وسجل شقته باسم مراته الجديد، بعد ما صدر حكم التمكين لصالحي، من شقة الزوجية عشان يسقط حقى للحضانة، وياخد الشقة واتهمنى اتهامات باطلة ليشوه سمعتي، ودعوى نشوز".
اقرأ أيضًا: ”مفاجأة في ليلة الدخلة”.. نجوى تطلب الطلاق بعد 24 ساعة زواج
وتابعت الزوجة: "رفض يطلقني عشان ميلتزمش بنفقة، ولا حقوق وسبني معلقة، وبعتلي رسايل تهديد يبتزني للتنازل عن حقوقى، فلجأت للمحكمة تحميني من شيطانه وترجعلي حقي، خصوصا بيحلفلي إن الحبس أفضل عنده من أنه يرجعلي حقوقي".
