مي حلمي تفجر مفاجأت عن طلاقها من محمد رشاد.. ”خيانة وانتحار وإجهاض” (فيديو)

تصدر اسم المذيعة مي حلمي تريند قائمة منصة جوجل بعد استضافتها في برنامج "شيخ الحارة" تقديم الإعلامية والمخرجة إيناس الدغيدي، عبر شاشة "القاهرة والناس" حيث فجرت مفاجات عن طلاقها من زوجها المطرب محمد رشاد وعن ارتباطهما وحفل زفافهما الأول.

ويرصد "الطريق" في السطور التالية أبرز تصريحاتها:

وتحدثت مي حلمي عن السبب الحقيقي وتفاصيل إلغاء حفل زفافها الأول من محمد رشاد، حيث وجهت لها إيناس الدغيدي سؤالًا عن أنها كانت السبب في إلغاء الزفاف بعدما تطاولت على والدة زوجها بسبب القائمة، لتؤكد مي حلمي أن إلغاء الزفاف لم يكن بسبب القائمة حيث قالت: "كنا هنتجوز لأول مرة والفرح باظ، لكن الفرح مباظش عشان القايمة، ساب الفرح لوحده بالليل ومشي، وكان محضر القرار من بالليل، أهله ماكنوش موافقين على الموضوع".

واستنكرت إيناس الدغيدي من عودة مي حلمي لـ محمد رشاد بعدما تركها يوم الزفاف، لتعترف أنها مخطئة عندما تزوجت منه بعدما غادر حفل الزفاف وتركها: "دي كانت غلطتي إني رجعت له تاني، وده تسامح زيادة عن اللزوم، اللي مش بحبه في شخصيتي وفي المجتمع الشرقي، وكل اللي حواليّا كانوا بيقولوا الناس هتقول إيه وهو سايبك في يوم الفرح".

إلغاء حفل زفافها الأول

وكشفت مي حلمي عن المعاناة التي تعرضت لها بعد إلغاء حفل زفافها الأول حيث قالت: "الناس مارحمتنيش لمدة 5 شهور من الواقعة، وكانوا بيقولوا اللي سابك في الفرح ومشيتي، لكن أنا رجعت عشان عشرة 5 سنين وكنت مضغوطة ومكسورة، وكنت بحبه، واللي أنا فكراه لما سابني في الفرح قلعت الفستان وروحت وراه".

وعن سبب تركه لها في الفرح قالت إنه لم يخبرها بالسبب الذي جعله يتركها في حفل الزفاف ويغادر: "كل اللي أنا فكراه إن مامته قالت له أنا بدعي طول الليل إن الجوازة ماتمش".

سبب إجهاض مي حلمي

وأكدت مي حلمي أنها لم تجهض نفسها بإرادتها، مضيفة: "ما كانش فيه مشاكل، وكنا في أول الجواز، وماحصلش إني أجهضت نفسي، لكني كنت حامل في توأم، وربنا مكتبش إنهم يكونوا موجودين، وحُرمت إني أكون أم بعد كده مش هقدر اتكلم في الموضوع ده لانها تخص طرف تاني.

وتوجه إيناس الدغيدي سؤالًا عن إذا كانت اجهضت بسبب ضرب محمد رشاد لها لترد: "فيه تفاصيل كتير مش هقدر أتكلم فيها لأنها تخص طرف تاني، ماقدرش أقول إني اتضربت فسقطت ومش كل التفاصيل بتتحكي".

نفت أن يكون تورط طليقها الفنان محمد رشاد في إجهاضها: حيث قالت لها إيناس الدغيدي: "فضل يضربك لحد ما سقطتي ودمك كان سايح"، لترد: "ماحصلش، ومش مهم عندك إنك تعرف سقطت إزاي، أنا إجهاضي طبيعي، ومطلبتش من الدكتور إنه يعمل لي إجهاض.. يا شيخ الحارة اتلم بعد إذنك، وبطل تتكلم كتير".

وعبرت مي حلمي عن ندمها الشديد بالعودة لزوجها محمد رشاد بعد تركه لها في زفافهما الأول، معترفة أنها لم تحافظ على كرامتها، مبررة قرارها بأنه جاء تحت ضغط المجتمع وتعرضها للهجوم الشديد، حيث قالت: "أنا مسئولة قدام الستات كلها إني محاربتش على قضية المرأة لما رجعت تاني بعد ماسابني يوم فرحي، وكان المفروض أقول أنا اتسبت ازاي ارجع والباب اللي اتقفل المفروش مايتفتحتش تاني، وده برضه ظلم من المجتمع نفسه للست، الكلام كان بيضايقني لأني كنت بتشتم وبتظلم، وقالوا مفترية وقوية عشان عاوزة حاجات".

سبب محاولتها الانتحار

وصرحت مي حلمي أنها حاولت الانتحار حيث قالت: "كان رشاد بيكلمني في التليفون بعد ما عرفت حاجة معينة، ماردتش، طلّع الأمن يرن على الباب فماردتش، كلم أهلي في البيت عشان يفتح الباب، ومجاش بنفسه، وكلم أهله في البيت بيقول فيها أنها هتنتحر، حيث قالت: "ماكنتش عاوزاه يرجع، لكن الخيانة وجعتني، ومكنتش قادرة، وأدام اتوجعت من حد يبقى سهل أوجع نفسي".

وتابعت: "ندمت إني عملت كده، وده بعد ما وصلت لمرحلة صعبة من الاكتئاب لأن حياتي كلها كانت له، كنت بحاول أنجحه وأنجح معاه، وده عطلني عن حاجات تانية، ودايما كنت كل ما آجي أخد القرار إني أمشي، كانت الأيام والذكريات والسفر اللي بيننا والعِشرة بتشفع له، كنت دايما أقول اللي أعرفه أحسن من اللي معرفهوش".

خيانة محمد رشاد

وتحدثت مي حلمي عن لحظة كشف خيانة طليقها وهي باكية: "في مرة كان موبايله مفتوح، وشفت رسالة خطفتني، شفت كلام منه ليها مقالوش ليّا حتى كحبيبة مش كزوجة، كان نفسي زي ما بحب أتحب، ليه متقاليش الكلام ده زيها، مش عارفة عملت إيه عشان أبقى فضيحة وأهلي سيرتهم تبقى على كل لسان، والناس تبقى متهماكي إنك ست شريرة رغم إني كل مرة بتساب من نفس الشخص، حاولت معاه سنين ومانجحتش".

وأضافت عن سؤال إيناس الدغيدي لها إذا كانت ستدخل قصة حب جديدة أم لا: "مش محتاجة قصة حب دلوقتي، ماتوبتش لكن نجاحي راضيني، ومفيش راجل بيريح، لكن منقدرش نعيش من غيرهم، محتاجين حد يقرفنا في الدنيا، وناوية أتقرف تاني".

اقرأ أيضًا: الحلقة الرابعة من ”قصر النيل”.. دينا الشربيني متورطة في قضية قتل

خناقة مي حلمي ومحمد رشاد

وفجرت مي حلمي مفاجأة عن ضرب طليقها الفنان محمد رشاد، حيث قالت إنها كان يعتدي عليها بالضرب، وفي إحدى المرات ذهبت إلى العمل بإصابة في عينها، واضطرت لوضع الكثير من مساحيق التجميل على وجهها، لإخفاء ما تعرضت له، وبعد عودتها من العمل تصالحا في نفس الليلة، وكانت ليلة رأس السنة، لترد عليها مقدمة البرنامج ضاحكة: "لا انتي بتحبي الضرب"، لترد: "كنت بائسة وغلبانة في الحب".

وقالت مي حلمي إنها كانت تدافع عن نفسها في بعض الأحيان حينما ينهال عليها محمد رشاد في الضرب حتى أنها دافعت عن نفسها في إحدى المرات بـ "طفاية السجاير".