صاحبة صينية أكل قطار طوخ: الناس كبرت الموضوع جدًا.. دي حاجة بديهية

تحدّثت السيدة هنية طه، صاحبة صينية أكل قطار طوخ، عن مشاركتها في مساعدة إفطار الصائمين في موقع حادث انقلاب عربات القطار بمحافظة القليوبية.

وقالت في تصريحات لفضائية "dmc"، اليوم الاثنين: "أنا قولت لولادي هاروح أودي الصينية وبعد كده نفطر إحنا.. لما روحت سألت عن اللي لسه مفطرش، وكله كان بيقولي ربنا يخليكي ويبارك فيكي ويوسع عليكي".

اقرأ أيضًا: التحفظ على سائق قطار طوخ ومساعده لحين الانتهاء من التحقيقات

وأضافت: "الناس كانوا فرحانين بيا أوي.. كنت عاوزة أي حد يفطر، والحمد لله ربنا كرمني برجل إسعاف، وبعد كده اتحاطوا على الصينية".

وتابعت: "كل الناس في الكفر اللي كان عنده حاجة كان بيطلعها.. كلنا كان إيد واحدة وكنا بنحول مياه للناس".

اقرأ أيضًا: ”من الأكل للدم”.. جدعنة المصريين في حادث قطار طوخ عرض مستمر

وأكملت: "أنا مكنتش عاوزة الشهرة دي كلها.. كنت بصلي التراويح مع جماعة قرايبي بنلم بعضنا ونروح نصلي، لقيت أخت ليا بتقولي إنتي صورتك جات على النت".

وأوضحت: "بنتي قالتلي حد صورك وإنتي شايلة الصينية وطالعة على النت.. استغربت جدًا والناس كبرت الحكاية، أنا مش شايفة إن فيه حاجة تستاهل.. دي حاجة بديهية عملتها من دماغي.. أنا كنت عاوز الأجر من ربنا مش من حد".