ريهام سعيد لـ شاكوش: ”أنت غلبان واستعملوك غلط”
وجهت الإعلامية ريهام سعيد رسالة قاسية لـ مطرب المهرجانات حسن شاكوش، وذلك بعدما نشبت أزمة بينهما في الأيام القليلة الماضية والتي وصلت للمقاضاة، بعدما طلبت منه إحياء حفل تخرج ابنائها في الساحل الشمالي.
وشاركت “سعيد” بث مباشر عبر صفحتها الرسمية بموقع التواصل الاجتماعي "فيس بوك" وقالت: “أنا عارفة إن في واحدة زقته.. فنصيحة مني يا شاكوش متخليش حد يزوقك على حد.. عشان الدنيا دوارة وممكن تلف ويتعمل معاك كده.. وأنا شايفاك حد غلبان وتم استعمالك غلط”.
وتابعت حديثها خلال الفيديو: “متطلعش تتكلم على أعراض ناس عيب.. في أصول.. اطلع قول كدابة مبحبهاش.. متطلعش تقول أنا شفت حاجات مينفعش أجيب سيرتها أو أتكلم عنها.. أنا دورت على عنوانك.. عشان أرفع عليك القضية لقيتك من ناهيا.. قولت منين هناك قالولي في بولاق الدكرور كده من حارة صغيرة كده.. يعني جاي من خلفية بسيطة، وناس جدعان”.
واستكملت: "عيب أطلع أتكلم في أعراض حد.. غلطت في أهلي وشرفي.. وعيالي اللي بتقول شفت حاجات مش عارفة إيه أنت متحلمش تسلم على عيالي.. لأنهم ناس محترمة جدا".
اقرأ أيضًا:”حرقوا أعز ما يملك”.. ليلة مشؤومة أنهت حياة جورج سيدهم
وختمت حديثها: “عيب الشهرة تغيرك.. شغلتك زي الدكتور لما تدخل حفلة خاصة أو فرح متطلعش تقول شفت إيه.. وأنت غنيت للخمرة وللحشيش وأماكن أنت عارف اسمها وطالع تتكلم على عيالي أنا.. اللي تعبت فيهم”.
