الأحد 23 يناير 2022 01:26 صـ 19 جمادى آخر 1443هـ
جريدة الطريق
  • WE

رئيس التحرير محمد عبد الجليل

الرياضة

حرمان من أولمبياد طوكيو.. صدمة لمنتخب الكرة الشاطئية في معسكر المغرب

الكرة الشاطئية
الكرة الشاطئية

فجرت لاعبات منتخب مصر للكرة الشاطئية سيدات مفاجأة من معسكرهم في المملكة المغربية، أثناء مشاركتهما في التصفيات الإفريقية المؤهلة لدورة الألعاب الأولمبية طوكيو 2020، المقرر إقامتها الصيف الجاري.

 

وجاءت المفاجأة على غرار أزمة منتخب مصر للشباب تحت 20 عامًا والتي واجهت الفراعنة الصغار في تونس أواخر العام الماضي، تحت قيادة ربيع ياسين، وإقصاءه من بطولة شمال إفريقيا بسبب نتيجة مسحة فيروس كورونا، حيث تكررت الأزمة مع فتيات الشاطئ مرة أخرى.

 

وكتب دعاء الغباشي، لاعبة المنتخب المصري الموجودة في المغرب  عبر صفحتها على موقع التواصل الاجتماعي "فيسبوك": "بكل هدوء احنا لاعيبة حلمنا من 2016 نتأهل أولمبياد وبقالنا 5 سنين بنتمرن عشان البطولة دي، تيجي البطولة وتكون في المغرب اللي هي البلد المنافس أصلًا".

 

وأضافت: "عملنا مسحة قبل ما نسافر طلعت سلبي، ومسحة أول ما وصلنا وبرضه طلعت سلبي، وقايلين كلهم إن أغادير مفيهاش كورونا وأنهم بيعملوا كده عشان يحافظوا على البلد، أول ما وصلنا أتعمل مسحة وفضلنا 3 أيام في الأوض عشان النتيجة تطلع ومرضوش يخرجونا من الأوضة غير أما النتيجة تطلع وطلعت سلبي الحمد لله".

وتابعت: "من 3 أيام فجأة قالوا كله ينزل يعمل مسحة، مع إنهم لم يصرحوا أن هناك مسحة هتتعمل تاني عشان المفروض إننا في فقاعة في فندق فيه 100 الف شخص، ونصهم سياح برةه البطولة، إمبارح الساعة 11 بليل بتوقيت مصر 12، قالوا مصر متخرجش برة الأوض عندهم حالة، إزاي وإمتى وكلنا كويسين قلنالهم مين قالوا مدرب فرقة الرجال".

 

وواصلت: "طب هنعمل إيه ياجماعة، قالوا هنلعب لحد ما اللجنة الطبية تاخد قرار، ماتشنا النهاردة الساعة 9، طبعا نمنا كلنا، اللاعيبه بعد ما اتاكدنا اننا هنلعب بعد توتر وعياط وصويت، فجأة نصحى على رسالة الساعه3:30  بتوقيت مصر 4:30، متخرجوش من الأوض انتو بره البطولة".

وأضافت: "يرضي مين ده يا عالم يرضي مين، دي لعبة وإحنا متأكدين منها المدرب سليم، ومع العلم ممنوع حتى نجيب حد يعملنا مسحات تانية، ولا حتى فكروا يعيدو المسحة ولا أصلا شوفنا ورق المدرب الي بيقولوا انه ايجابي.. احنا ماتشنا الساعه 9 الصبح يعني كام ساعه ماتش ضمنينهه نكسبه نكون في النهائي احنا مخالطين جميع اللعيبه ومخالطين فرقه المغرب والفرق الي لعبناها والحكام والناس الي في المدرجات الي هما منظمين احنا مخالطين رئيسه الاتحاد الافريقي الي هي رئيسه اتحاد المغرب".

 

واختتمت: "يعني لو في فعلا حق يبقي المنتخبات كلها يتعملها مسحة اشمعنا مصر هي الي ايجابي ولو ايجابي هتبقي ايجابي من مين من نفسها يعني، حد يلحقنا والنبي احنا حلمنا فجاه بقي تراب ومش عارفين نعمل حاجه.. يارب انت حسبي ونعم الوكيل".

اخبار الرياضة كورة رياضة الطريق الكرة الشاطئية طوكيو 2020
بنوووك