راندا البحيري تهاجم حلا شيحة: ”دي اللي بتنصح تامر حسني”
هاجمت الفنانة راندا البحيري، زميلتها الفنانة حلا شيحة، بعد تبرؤها من مشاهدها مع تامر حسني، وإعلانها توبتها محذرة له بضرورة التوبة واستغفار الله، إضافة انتقاداتها لزملائها بالوسط الفني.
وكتبت راندا البحيري في منشور عبر حسابها بموقع "فيس بوك" ساخرة: "هو برضه اللي مضطرب؟؟؟؟ لالالا والله كانت صعبانة علي في الأول بس كده صعب أوي حد ياخد بقى منها الموبايل بسرعة، هو محدش قال ل حلا إن باب التوبة مش موجود على انستجرام؟؟".
واستكملت سخريتها من حلا شيحة كاتبة: "فتاتي…. إزاي تكوني داعية بمنتهي السهولة وتنصحي زمايلك وتنتقديهم ؟؟؟؟ في يوم وليلة، عريس وطرحة اتنين متر وفرح، بس بقي من تاني يوم حضرتك تقدري كده تبقي رئيسة مجلس إدارة العالم وتقولي مين هيدخل الجنة و مين لا".
واستطردت:"ده بتقولك احنا بمقايس ربنا لم و (((لن))) ننجح والعياذ بالله ان شاء الله انت".
وفي منشور آخر كتبت: "هو محدش فهمها إن اللي بتعمله ده ممكن يعرضها للمسائلة القانونية وأنها بتضر بسمعة فيلم وبالتالي إيراداته؟، بتتكلم عن ممثل ونجم بحجم تامر حسني بالشكل ده اكنها أحسن منه".
اقرأ أيضا: بعد يومين من خطوبتها.. مي حلمي تتعرض لكسر في قدمها (صور)
وتابعت: "واحنا كلنا عارفين الخير اللي بيعمله تامر طول عمره في الخفا وفي العلن علي ايدينا كلنا، فضله علي ناس كتير أوي وربنا جعله سبب لفتح بيوت اد كده تقوم دي…… تنصحه؟؟؟؟؟؟ لالالالا والله هم يضحك".
