بعد خسارته من البرازيل.. عمرو محمود ياسين يدافع عن منتخب مصر

دافع المؤلف عمرو محمود ياسين، عن منتخب مصر، بعد الهجوم الذي يتعرض له بسبب خسارته من البرازيل وخروجه من الأولمبيات.

وكتب عمرو ياسين، عبر حسابه الشخصي بموقع التواصل الاجتماعي فيسبوك: "منتخب مصر في مباراة اليوم احرج البرازيل و ضغط عليها كتير جدا جدا و ضاعت مننا اكتر من فرصه زي فرصة ريان في القايم و تسديدة رمضان اللي تصدى لها الحارس بصعوبه و إنفراد طاهر اللي القايم تحرك مللي مترات ليمنع دخولها".

وتابع: "ده غير ان الفار ظلمنا في عدم احتساب ركلة جزاء لعمار حمدي .. و اخر تلت ساعه مصر كانت زنقه البرازيل في 18 بتاعهم .. بس للاسف مكنش في توفيق .. عشان كده الواحد بيقول النهارده شرفتونا رغم الهزيمه".

اقرأ أيضًا: 16 فيلما بـ مسابقة الأفلام الروائية القصيرة بمهرجان ”الإسماعيلية السينمائي”

وأضاف: "طبعا كل ده محصلش .. و مصر كانت بتلعب و كان واحد صفر دي نتيجه تأهلنا مثلا فا بنحافظ عليها .. عشان كده نفسي المواقع تهدى و بلاش جو شرفتونا و ما شرفتونا .. لان الحقيقه ان المنتخب المصري النهارده رغم ان النتيجه واحد صفر بس الا انه اظهر الفارق الكبير اللي بين الكرة المصرية و العالمية في ظل قيادة بعض الاشخاص .. و لازم نبقى عارفين ان لولا الشناوي و خط الدفاع كانت هتبقي فضيحه .. فا ابوس ايد المحررين بلاش حكاية شرفتونا و الهارتات و الحجات دي .. هي مش ناقصة فقع مرارة".