”خافي على أولادك وتوبي لله”.. حكاية موظفة وزميلها تشعل السوشيال ميديا
أثارت إحدى عضوات جروب لحل المشكلات على موقع التواصل الاجتماعي "فيسبوك"، موجة من الغضب بين أعضاء المجموعة، بعدما روت قصة حبها لزميلها في العمل، رغم كونها مازالت متزوجة ولديها أبناء كبار.
وروت سيدة قصتها أنها متزوجة ولديها والدين أحدهما في الثانوية العامة والأخر في الجامعة، وأنها تعمل موظفة، وتعرفت بزميل جديد معها في العمل زوجته متوفيه، وأصبحت تتواصل معه على الدوام حتى شعرت بمشاعر حب تجاه وكشفوا عن حبهم لبعض.
واستكملت: "فتحت له قلبي وفتح ليه قلبه، وكل واحد فينا حب التاني، ويشهد ربنا أنه محصلش منه أيه تجاوز ناحيتي وفي المكتب محترم العمل جدا، ومفيش أي حد يحس أن بينا قصة حب حسيت معاه بإحساس جميل جدا، وحست معاه يعني إيه الحب كل كلامنا علي الواتساب لما بنروح من الشغل لزم نتكلم ونطمن علي بعض، وده بقا حاجه وصلتني لمرحلة إني حبيته اكتر من أي حد، خرجنا سوا كام مره في كافية كان معايا في قمة الأدب والاحترام حسيت أن الشخص ده كنت بدور، عليه حسيت بحبه ليه ورغم ان زوجته متوفيه إلا أنه مش حاول، من قريب أو من بعيد يدخل ولو حتى بالتلميح في قصة علاقة جنسية".
وتابعت: "ولما كنت بكلمه ليه متزوجتتش بعد زوجتك، قالي أنه كان فعلا بيفكر فكده بس، بعد ماحبني ومبقاش شايف حد غيري فالدنيا قال مش هقدر، ارتبط بحد بعدك وهعيش، على حبك ومحبش كمان أجيب لأولادي مرات أب وأجوزهم وأفرح بيهم".
وأنهالت التعليقات، حيث قال عصمت عصمت، أحد أعضاء جروب للمشكلات على فيس بوك: "ليه إنتِ بتدافعي عنه أنه شخص كويس وبيخاف ربنا، وبيخاف علي بيتك وخايف يجيب لأولاده مرت أب مطلعه مثالي كده ولو فعلا مثالي زي ما أنتِ شايفه ما كان بص لست متجوزة، غير كده للناس اللي بتقول أطلقي واتجوزيه ده في الدين حرام وكمان لا يشم رائحه الجنة".
وعلق مجد جبارة: "أنت ماشية بسكة هتخسرك كل شي، وحتى هو هتخسريه كمان أصحي لنفسك قبل فوات الأوان".
وكتب محمود محمد، أحد رواد فيس بوك: "عيب يا ست هتبوظي سمعت أولادك وجوزك إللي ملهوش ذنب، بلاش تمشي في السكة بصي لأخرتك".
وكتبت إيمان رخا: "إبعدى عنه هتخربي بيتك وتسيئ سمعتك وسمعة أولادك وهيكرهوكي، لكن هو حافظ على أولاده ومش عاوز يتجوز علشان ميجبش ليهم مرات أب فوقي وأرجعي لربنا وقت لا ينفع الندم واحترمي جوزك اللي وثق فيك".
اقرأ أيضًا: ”خطيبي بخيل”.. رسالة جديدة من مجهولة تثير الجدل على السوشيال ميديا
وعقلت أم عمر: "والله لو إنتِ شايفة ربنا قدامك في كل لحظة عمرك ما تعملي كدة مفيش حاجة اسمها مش بإيدك يا مدام دا حتى القدر اللي ربنا مقدره ومفيهوش نقاش ممكن يتغير بدعاء الإنسان ومن يتقي الله يجعل له مخرجا ويرزقه من حيث لا يحتسب فكري في النعم اللي مش موجود ربعها عند غيرك زوج بيت اولاد حياة مستقرة وظيفة كل النعم دي أحمدي ربك وأشكريه وبلاش تعصيه أكتر من كدة استغفري ربك بنية التوبة قبل ميجي يوم مينفعش فيه الندم".
