”أرجع لرشدك يا كفراوي”.. مستخدمو السوشيال ميديا يعلقون على زواج ”بيج رامي” مرة ثانية
على مدار الساعات الماضية، شهدت مواقع التواصل الاجتماعي موجة من الغضب والجدل حول زواج ممدوح السبيعي والمعروف بـ"بيج رامي" بطل العالم في كمال الأجسام مرة أخرى على زوجته.
وعلى نبأ زواجه، أنهالت التعليقات من رواد السوشيال ميديا على بيج رامي، وكتبت إيمان، إحدى رواد فيس بوك: "معرفش حكايته أي بس دا دليل أن العشرة مبتطمرش والفلوس أما بتيجي في إيدهم أول حاجة يعملها يكسر الإنسانة اللي وقفت جمبه وساعدته كتير على ما يوصل لـ"بيج رامي" المشهور والمعروف".
وعلقت روايد ماجد، إحدى رواد فيس بوك: "ده يدل أن الراجل المصري أول حاجة بيعملها لما يمسك فلوس يتجوز على مراته اللي تعبت معاه ووقفت جمبه".
اقرأ أيضًا: عريس للمرة الثانية.. بيج رامي يثير الجدل عبر السوشيال ميديا
وكتبت سارة عبد الله، إحدى رواد فيس بوك: "وده يعلمنا أن مفيش أي راجل بيطمر فيه وأول ما الفلوس بتجري في أيديهم مبيفكروش غير في نفسهم".
ولم يتوقف الغضب من الزواج الثاني لـ"بيج رامي" على النساء فقط، ولكنه طال الرجال أيضًا، حيث علق إيهاب جلال، أحد رواد فيس بوك: "وراء كل رجل عظيم امرأه تسندك وتقف جنبك لما توصل إلى ما أنت فيه وتروح تتزوج عليها بدأت تعك ما تبص لمحمد صلاح معملش له زيك رغم أن أنت مش هتوصل زيه ولا معاك ثروة زيه معملش ليه كده ما تركز في إللي حوليك في زي صلاح أعمل زيه في قريتك جريت وراء الحريم لما الفلوس جرت في أيدك بص لأولادك وعيلتك الزواج مش حرام بس كفاية عليك زوجتك وأولادك لأنك عمرك ما هتعدل بينهم أرجع لرشدك يا كفراوي إحنا بلد الرجالة بلاش الفلوس تغيرك".
