بعد غنائه مع عبد الباسط حمودة.. عمر كمال: «قولت حاجة مش بتاعتي وأدائي مكانش كويس»
رد المطرب عمر كمال، على إنتقاد البعض لأدائه في أغنيته الأخيرة مع النجم عبد الباسط حمودة التي تحمل عنوان "ضيعنا".
وكتب عمر كمال، عبر حسابه الشخصي بموقع التواصل الاجتماعي فيسبوك: "أنا فاهم وعارف حتتى كويس اووى اللى بغنى فيها .. ومفيش مطرب خلقه ربنا بيغنى كل ألوان الغنا بنفس التمكن والشطارة هتلاقيه مؤدى ف حتة ومطرب شاطر ف حتة".
وأضاف: "ربنا خلق أصواتنا ومساحات صوتنا غير بعض خالص .. بس كل واحد ليه بصمة ولون وطعم وأحساس غير التانى .. فا أنا مش مطلوب منى أغنى لحن مش بتاعى ومش شبهى ومش مساحات صوتى فا طبيعى هغنيه على أستحياء وكمان لما يكون صاحبه موجود وبيغنيه بقاله 20 سنة يوميا أكيد هيقوله أحسن منى 100 مرة فا كونى قولت حاجة مش بتاعتى وادائى فيها كان مش كويس فا ديه حاجة متقللشى منى وانا قولتها إرضاءا للطلب ولما صاحبها غناها معايا أكيد غناها أفضل منى لأنها بتاعته ومساحته وشكله فا ده أمر طبيعى".
وكان طرح مطرب المهرجانات عمر كمال، بمشاركة النجم عبد الباسط حمودة، أغنيتهما الجديدة "ضيعنا"، عبر قناته الخاصة على موقع الفيديوهات "يوتيوب".
وأغنية "ضيعنا" من كلمات عمرو قطب، وتوزيع إسلام شيبسى، ومدير تصوير أحمد حسين، وإخراج كامبا.
اقرأ أيضًا.. الكشف عن السبب الحقيقي لوفاة الفنان أحمد خليل (فيديو)
